وين العضياني؟.

[علي فلاح العضياني]

غالب الذيابي

سلام تسليمة لاهـل منتدانـا عالـي الشـان=تسليمةٍ مثل المطر ينعـش الكبـد الحزينـة
وين العضياني يجاوب ويسمع صوت سرحان=ويرافقه بالدرب مثـل الخـوي والله يعينـه

علي فلاح العضياني

يا مرحبا ترحيبة ٍ لو نازنها بميزان = من ثقلها ترجح بضلعان مكه والمدينه
جيتك وانا فالبحر فوق السفينه معك ربّان = ترى السفينه حكمها عند ربّان السفينه

غالب الذيابي

الليلة الطاروق مثل الذهب يفرق بالاثمان= ونصرّفه يا صاحبي ضمن ناسٍ صارفينه
انته على سطح البحر والا انا من بين حيتان= اخذ ثمين الدر والحوت ينظر لي بعينه

علي فلاح العضياني

الليله الطاروق يكتب له الابداع عنوان = بوجود غالب وابن ثعلي علي تسلم يمينه
ياما كنزنا من جواهر و من لولو و مرجان = وانته عساك تجيب يا صاحبي دره ثمينه

غالب الذيابي

العام جنب القبر تدعون للميت بغفران=واليوم شرهتكم تنوش الكويت وساكنينه
يوم ان هاك العود حيٍ لكم مافيه بلشان=يسد عنكم كل ريعٍ ويردع معتدينه

علي فلاح العضياني

لكل وقتْ رجال يا صاحبي في كل الازمان = واللي يقف فالماقف الله يطوّل في سنينه
خطل اليمين معقب ٍ فاللزوم طوال الايمان = افهم كلامي وإلتزم بالهدوّ و بالسكينه

غالب الذيابي

والله لو ما اخشى الملامه وقول فلان وفلان=لا اضرب بحد السيف واحرر البنت السجينة
ماقول فيك خلاف هون وعوّذ كل شيطان=تنقض وانا افتل جب سمينه وتاخذها سمينه

علي فلاح العضياني

غالب بصدرك كلمة ٍ باقيه ؟ قلها على شان = تسمع رددها كاش يا صاحبي ماهيب دينه
حاول تجاريني على ما طرالي قدر الامكان = راع الوفا جسر الوفا يعتمر بيني و بينه

غالب الذيابي

ان قلتها خابرك طيّب وسيع ادراك وبطان=واليا حفظت السر قبلي رجالٍ حافظينة
ليلٍ جمعني بك سريته سواة الذيب حفيان=في حرةٍ ما بين ضلعان مكة والمدينة

علي فلاح العضياني

ياللي تهدّد بالسوالف بدون سنان و عنان=قلبك من العضيان يرجف مثل رجف المكينه
راكان ابن حثلين معروف ابن حثلين راكان=انشد عتيبه عنه و انشد بلي و انشد جهينه

التوقيع

(( رأس الحكمه مخافة الله ))

[غالب الذيابي]

الغالي علي بن فلاح العضياني..


سعدت بالمحاورة معك والطاروق معك ينومس.


ربما تحين الفرصة لاحقاً ، فاكون اول المحظوظين

بمنازلتك... الله لايهينك. والشكر موصول للاخوان

اللي تابعونا. وبالاخص الاخ معجب العتيبي اللي فعلا

اعجبني بتنسيق المحاورة ( بدون ردود) لكي يسهل


على المتابعين قراءتها بدون عناء.
.
.
.
.
.

[علي فلاح العضياني]

أشكر جميع الاخوان

اللي شاركونا كل واحد باسمه و الله ان كل واحد يستاهل رد لحاله

لكن ضروف الاتصال

و ليعذرني الجميع


كما اشكر اخي العزيز معجب العتيبي

على جهوده في خدمة هذا المنتدى الغالي على قلوبنا جميعاً

و تصبحون على خير و عافيه


والى اللقاء