ابن سرحان الثبيتي
قوم يابندر المرشدي قم تعال ... واثن ركبتك للحق بيـن الرجـال=وان لقيت العصيمي سعود ازهمه ... لا تقولون عـدت وعديتهـا
العصيمي خشيرك على كل حال ..فالخطا اللي حصل والخطأ لا يزال=وان حظر يختصم مانبا نظلمـه ... لا تقولـون عـدت وعديتهـا
بندر المرشدي
أن دعتنا المواقف بليا جدال..ناقف الوقفة اللـي تهـز الجبـال=مار سطرٍ كتبته هنا ترجمه .. لا تقول الـي عـدت وعديتهـا
خشرنا فالمعرفة يفوق الخيال .. مار وين الخطاء ياكريم السبال=ليه قلطت زادك قبل تيدمه!! .. لا تقول الـي عـدت وعديتهـا
ابن سرحان الثبيتي
الوعد بيننا فات والعلم طال ... ماضي ٍ له نهارين واربع ليال = والقضيه تبا تاصل المحكمه ... لاتقولون عدت وعديتها
انتم اتفصلون الثياب الطوال ... والقوانين يلعبها الاحتلال = وكل خط كتبته تبا تفهمه ... لاتقولون عدت وعديتها
بندر المرشدي
من عطاك الوعد بس يابن الحلال .. لا تصدق كلامٍ يشاع ويقال=ما نويت اكتب اسمك ولا أقدمه..لا تقول الـي عـدت وعديتهـا
كل طلاب حقٍ لحقه ينال .. مار لا تصطنع حق ماله مجال=القوانين فالمجتمع ملزمة.. لا تقول الـي عـدت وعديتهـا
ابن سرحان الثبيتي
الحقيقه لها وجه غير الخيال ... احكموكم هل الشرق واهل الشمال = والقلم بان خطه مع المرسمه ... لا تقولون عدت وعديتها
الوعد ثابت ولا عليه اختلال .... وان نسيت الوعد راجع الاتصال = كل واحد ترى منطقه من فمه ... لا تقولون عدت وعديتها
بندر المرشدي
أكثر الهرج لو طال ماقيل طال .. ما علينا منه دامنا عال عال=نذبح لضيفنا كبش ونقدمه ... لا يقول الي عدت وعديتها
كذبت ابريل ياهل المعْرفة خبال..اسمها كذبة او لا تصدق محال=ابن سرحان من يقدر يعلمه.. لا يقول الي عدت وعديتها
« آخـــر الـــمـــشـــاركــــات »
06-Apr-2009, 09:54 PM
العرض العادي
