أنا أزهم اللي بالوفا دوم يهتم....... وعلى دروب الطيب دايم يقومي

[مركز المعلومات]

أخواني ابناء الهيلا

هذه القصيده موجهه الى كل عتيبي .

والى كل من يمر عليها ويقرأها

تكفووووووووووووووووووون ولدكم لاتخلونه . والرسايل ماتخسرنا

سلام ياحر(ن) عريب(ن)محشم=عريب جد(ن)وعد مابه ثلومي
يافزعتي يالعتيبي تكفى وقل تم=قل تم تكفى ياقوي العزومي
عليك اذب البشت قبل أتكلم= وعمامتي وأنته تعرف السلومي
أنخاك قبل الاخو والخال والعم= لوكان يلحقني من الناس لومي
أنا أزهم اللي بالوفا دوم يهتم= وعلى دروب الطيب دايم يقومي
ماهو من اللي لامن نصيته تلعثم= ولا تلفلف في وساع الكمومي
وألا اللتفت لك قال تدفع لنا كم= متعود(ن) على دهون الخشومي
وأختامها يالحر تكفى وقل تم= قدام لاتكثر علينا الهمومي

لاتخلووووووووووونه يالذيابه

أرجو المشاركه من الاخوان

آخر تعديل مركز المعلومات يوم 12-Feb-2009 في 01:32 AM.

[العــــــــابر]

تم يالذيب والله ماذخرنا شي

ويستاهل النشمي سعود

مار انت ارق سنود وسعود وصل للي نبيه

جمهوره صار بكل مكان والطيب يستاهل الطيب

تقبل مروري المتواضع

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[مركز المعلومات]

أخوي العابر بيض الله وجهك

وهذي الهيلا لاعدمتكم

تحياتي...........