سعود الدماسي
سلامي سلامن فيه عزه ومقدار=وحشمه وقيمه للرجال الكرامي
يامعجب تقدم وانت من نسل الاحرار=عطاوي واعدك يالعطاوي حزامي
معجب العتيبي
عدد مافرحنا يالعتيبي بالامطار=هلا مرحبابك ماشيه بالنظامي
والا ياسعود العلم هاته والاسرار=نباها خفيه يالفطين القطامي
سعود الدماسي
عسى الله يبارك فيك ياواف الاشبار=بعد هل بامر الله صدوق الغمامي
انا اشوف ناسن يمك اتلد الانظار= بعد ماسرق راع الحلال الحرامي
معجب العتيبي
والا يالدماسي مالك ومال الاخطار=توكد من علومك وعش في سلامي
من المايله والله ماني بمحتار=ولا همني يافلان كثر الكلامي
سعود الدماسي
انا ماني بعلم التزاوير هذار=تجيك الرساله في جناح الحمامي
هبوب الشمال اتهب من يم سنجار=وهبت بنجدحدود ميتين عامي
معجب العتيبي
انا مااذكرتك غير بالطيب والخار=ولكن نصيحه للرجال الحشامي
تهب الهبوب وعقبها عج وغبار=ويدري بها المفطوم قبل الفطامي
سعود الدماسي
يقولون من قرب عمر عند عمار=واناقول يمكن فشتباه الاسامي
لقينا شعيل وشال تسعين قنطار=لكنه برك وشعيل ناب السنامي
معجب العتيبي
يقولون والفتنه يسمونها النار=وياحظ من صلى صلاته وصامي
عن الواجب المطلوب ماقدم اعذار=ولو ميت القلب ارتخا للمنامي
سعود الدماسي
مقادير ياوقتن على صاحبه دار=وعقب الهنا هبة هبوب العسامي
ختام النشيده يبطي الديك ماطار=وطير السعدفوقه مع الجو حامي
معجب العتيبي
زمان العجب يمشي حسب وضع الاقدار=عسى واحدٍ جابك تجيه الرحامي
مدامك رضيت بوضعك وصار ماصار=اجل لاتطير وخل وضعك تمامي
« آخـــر الـــمـــشـــاركــــات »
24-Oct-2008, 09:19 PM
العرض العادي
