نفسن طموحاتها ترفع معانيها...ماترتخي للهزيعه والتلواجي.للشاعر /شباب بن فايح العضياني

[عاشق الاطلال]

الشاعر العملاق/ شباب بن فايح القوبع العضياني ..شاعر جزل غني عن التعريف لايختلف على جزاله شعره اثنان فهو من شعراء القبيله المحسوبين
أهدي لكم هذه الرائعه من روائعه.. والتي توضح جزاله شعره وتصور غمق معانيه

.

يا رازق اللي همـوم القلـب يخفيهـا=محدن خبر حاجته لو كـان محتاجـي
أصبر عليها وصبـر النفـس يغنيهـا=والصبر راعيه موعـوداً بالافراجـي
والنفس من همهـا كثـرت طواريهـا=نومي تماليل يـا فيحـان واسهاجـي
ما غير أعذّل على نفسـي واناجيهـا=وأساهر الليل ليـن الصبـح ينباجـي
نفـس طموحاتهـا ترفـع معانيـهـا=مـا ترتخـي للهزيعـه والتلـواجـي
يا الله يـا خالـق الدنيـا ومـا فيهـا=تكتب لنا مع طريق الخيـر منهاجـي
ياللي يذكرك قلـوب النـاس تحييهـا=تغفر ذنوب الفقير الخايـف الراجـي
ما ازكـي النفـس كـود الله يزكيهـا=يا رب تغفر ذنوبي يـوم الأحراجـي
يوم الصحايف يحضر كـل مـا فيهـا=في موقفن من نجا من كربتـه ناجـي
الله على اللـي بعيـد الـدار يدنيهـا=جيب شبـح وردوه بجمـرك الباجـي
يبعـدك عـن دار وديـارن يوديـهـا=ومـزودن بالدبـل والكشـن ديباجـي
يا زين سمكة غباره مـع صحاريهـا=ما همه الخـط قدمـه يـوم ينعاجـي
أقـذال قــدام وأقــذال متعديـهـا=يسهج كما الزورق اللي فوق الأمواجي
اكرام نفسـن ليـا حصلـت مناويهـا=مشي العذاء ما تبي الديره والازعاجي
مع ديرتـن عشبهـا كـاس مطاويهـا=من سيلها مـا مشاهـا كـل دواجـي
ريضان وسميتـن والصيـف واليهـا=ريحة ثراها يخـل الضيـق ينباجـي
فيهـا أم سالـم مهوجرتـن غنانيهـا=جاين لعجة زهور العشـب نجناجـي
يازين بيت الشعر فـي حيـد واديهـا=والنار سمرن حطبها يسرج اسراجـي
في ربعتـن للنشامـا مجلسـن فيهـا=ما سكرو بابهـا بالقفـل أبـو تاجـي
هبايـب النـود يـذرنـه ذواريـهـا=في فيضتن علها الوسمـي برهاجـي
والفرق تسعيـن مـن نقـوة مقانيهـا=والذود شرشوح عربن كلهـا انتاجـي
والشـاص يبرالهـا والعايـدي فيهـا=والبيت فيه ام عشر وخمس مغناجـي
والدار ربي مـن الرجعـان معطيهـا=والناس ما فيها زول لـزول يحتاجـي
هـاذي طـراة الحيـاة وخـل باقيهـا=مالي بها لو ملكت قصور وابراجـي
أدري انها مقفيه والموت قافيها=محدن لقاله طبيب وطب وعلاجي
وختامها فاول الكلمه وتاليها=يارب تغفر ذنوبي يوم الاحراجي

[جراح البرقاوي]

والصبر راعيه موعـوداً بالافراجـي

صح السان // شباب العضياني
ولسانك ياالغالي
ووفق الله اعتيبة الهيلا

[محمد العتيبي]

ياسلام

صح لسان الشاعر / شباب القوبع

وتسلم يداك ياعاشق الاطلال..
تحيتي
...

التوقيع

للتواصل عبر twitter تويتر al_bargawy@

[عفيف.com]

صح لسانك يالقوبع .....


على الرائعة ...


هذي والله الطراة صدق

[عبدالله الجـــذع]

الله..

راآئعه لشاعرنا العملاق شباب

صح لسانه ودام راسه

الف شكر

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عاشق الاطلال]

لاهنتو ياعيال عمي على المرور وأشكركم شكراً جزيلاً.............


عاشق الاطلال

[عاشق الاطلال]

شكر الكم جميعاً


أخوكم