قصيدة حمد الاسعدي 3

[راع الجود]

لقيت ان منتدى الهيلا اولى بنشر قصائد ( الشاعر حمد الاسعدي )
هذي قصيده حمد الثالثه ويبيلها تفكيرررررررررررررررررررر :

على عكس إتجاة الريح سار الركب بالابطال ** سياسة راعي الخبره وسماها الخلي ذلة
على هذا تعلمنا من الاجيال للاجيال ** توارثنا النقى مثل الوفاء بالدين والملة
يدور الوقت والدنيا غريبه والحمول ثقال ** وانا عيني على التاريخ بين الرف والسلة
تقهواني لهيب الوقت والشرهة على الفنجال **بعد مابهرت سود الليالي غايش الدلة
على جمر من الماضي وشعلت راعي الموال ** بعد شالت هبوب الريح صوته بالعنى كلة
مع الهيفية الي حدت الطرقي على المنزال ** وحال القيظ من دون المسافة وإعتلى التلة
بعد بذت خفاة الريح ما يقوى على المحوال** يشوف الماء يحسب انه سراب وزادت العلة
مسافات الزمن تلحق على الرجلي مع الخيال ** ولو طالت مسيرتها نهايتها تبدلة
مقادير وعلى الرحمن شكوى الوقت لامن مال **رجاه اللي يقويني وغيره ما تذلله
على مافات قفل العقل والعاقل يقول هبال** بعد شاف المجنن كل مسلك عقل تدله
دهاليز الخروج ترجع التايه على المدخال ** زواين مثل شبه المنحرف والبوصلة ضله
يحللها المحلل ما تحلل والحلق بقفال ** مفاتيح ورموز مشفرة ما تقبل الزلة
صعيبه كنها سهلة على منوال من منوال ** ولكن جابت من أقصى الخوافي عرقي تتله
كفيل الوقت بأحداث الخلايق والزمن لا قال ** تبين بلهجته كل الحقايق من تحت ملة
ليا طاح القناع وبين الصادق من الدجال ** يموت العذر بأفواه السنين وتبدي الخلة
مفاهيم التخالف بالضغائن والليال أهوال ** دلايلها مدى الستين عام القدس محتلة
تهدم باقي الاطلال والذكرى تشد البال ** وموفور السعة ضيق وسحب العين منهلة
ولا واحد من العشره صدق في موعد الجمال ** وكل يرمي الموعد على الثاني ويحبلة
كانه مايشوف اللي لهم بالغدر عم وخال ** لهم قرن وعليه يدارجون الحال والحلة
يقوسون الزمن بالمال والآمال بالاميال ** على رجوى شبيه القوس والايام تفتلة
وعلم الغيب عند الله ولابه حي ماينطال ** يد الاقدار لو يسكن زحل لابد تاصلة

حمد الاسعدي

بيت أعجبني لحمد

العذر هلت عبرته مالقالي ******* ظل ن يجنبني سموم المشاريه

[عبدالرحمن الهيلوم]

مشكوووووووووووووور يالغالي

[راع الجود]

الله يبيض وجهك يا عبدالرحمن

ولا هي غريبه


( بس القصيده ) مادري وش رايك فيها وبمعانيها وفلسفتها