مرزوق العتيبي
ولا ياكبتن عتيبه تبصر وافهم المضمون = ترى حنا الرجال اللي عريبات ٍ مناسبها
لياكانك تحسب انك على كل الرجال اتمون = اقول الزم حدودك والخطيه لاتجينا ابها
كبتن عتيبه
أقول ونعم فيكم كلكم والكايدات تهون=رجالٍ تمشط الحاها وتفتل في شواربها!!
يامرزوق العتيبي لا تشرّه وانت مالك لون=وهذي مشكله والله ماتسلم من عواقبها!!
مرزوق العتيبي
عيونك وسط راسك والعقل فارغ كما البلون = وراك اللي يدفك للمشاكل وانت تجلبها
تبا تمشّي علينا وين ياهمان يافرعون ؟ = ليا قامت مشاكل فأعرف انك من سبايبها
كبتن عتيبه
اللله الله
انا عقلي معي مير أنت يمكن رأس ماش عيون=تبى تحاسب عبادلله ..ونفسك ماتحاسبها!!
ولا ياحضرة الصاحي.. تريد تبّري المجنون=وأنا أضنك تجنن تالي الدنيا ..وتخربها!!
مرزوق العتيبي
وانا عقلي معي واكشفك ياللي تنبش المدفون = تحاول تظهر انك شهم وعيونك تقلبها
ياليت ان الامام اللي يرتل والعرب يوحون = يعرف ان الصلاه الها شروط ولا يخل ابها
كبتن عتيبه
الله الله
ترى الليمون حامض وانت صرّت أحمض من الليمون=وأنا أعد الحقايق والخلايق مادريت ابها!!
ليا هلّل وكبّر ثم صلّى ..القاضي المامون=نشوف المشركين من الغضب تعقد حواجبها!!
مرزوق العتيبي
..
.
الله الله
انا والله مالومك يوم تلعب لعبة الشيطون = حقيقه حاجة ٍ من شخص مثلك ما تغاربها
ياكبتن جالك اليوم المحتم واصح يامديون = عليك اديون من ناس ٍ عطيبات ٍ مضاربها
كبتن عتيبه
الله الله
ترى مانته بشايب مير انا اشوفك تشيل الشون=تعكّز فوق شون أبليس والعالم تراقبها!!
وأنا أظنّك مشارك ياولد في شاعر المليون=وتزعل كل ماغنيّت في (روضه وصاحبها)!!
مرزوق العتيبي
صدق من قال خلان الرخا بالوقت مايصفون = ولكن راجع اوضاعك ياصاحبنا ورتبها
ورى روضه وصاحبها علامك تمسح الطبلون = متيم في تبسمها وفي رسمة حواجبها
كبتن عتيبه
الله الله
ترى الصحبه قديمه وأنت تدري والعرب يدرون=لكنّا مالنا في حيّة الأرض وعقاربها!!
أنا اشوفك تفارع وأنت غايب ماحضرت الكون=وحضّار أهل لبخه ماتكفّي دون غايبها!!
« آخـــر الـــمـــشـــاركــــات »
26-Aug-2008, 02:19 PM
العرض العادي
