محاورة ابن ثايب وحمد هادي المسردي رحمه الله

[الضلع الراسي]

السلام عليكم ورحمة الله وبركاته

هذه المحاوره نقلتها لكم من شريط التسجيل غير واضح
اعذروني



حمد هادي

ياسلام الله على المحفل عمومي=عد ماهلت هماليل المخايل
قم يابن ثايب عسى حظك يقومي=شفنا نلعب معك والشك زايل

ابن ثايب

ياسلامي عند شيخان قرومي=غمرهم في الشان مايذكر محايل
ياحمد هادي ندور للعلومي=لكن العساس يبغا له دلايل

حمد هادي

انت قرم وجعل تفداك الرخومي=اعرفك بالفعل ترقى كل طايل
مالقيتك كون مدعي ومعزومي=وانت تدري وين عنوان الرسايل

ابن ثايب

يسلم ويبقا من ايسد اللزومي=والفلك دوار لاسقنا الرحايل
الرجال اصناف معطى ومحرومي=لاتحبل لي على درب الحبايل

بعد ذلك طلب الجمهور تغيير الطاروق





ابن ثايب

ياسلامي سلام يشرح الخطار=ياهل الحفله اللي صيتها عالي
انت وآنا بغينا نضرب المزمار=لكن الوقت غشاش(ن) وميالي

حمد هادي

الهجوم المفاجي ماسبقه انذار=مير انا حيلتي بحما بها حالي
انت تاجر ولك وزنك مع التجار=لك ريالك وانا لي قيمة ريالي

ابن ثايب

اعتقد ماوراها من يعقد الثار=لجل ترتاح ياعمي وياخالي
اسمك الشاعر اللي تضهد الشعار=غير هالليل لا باول ولاتالي

حمد هادي

.........................بدون انكار=ياهني الهبيل الداله السالي
انت شاطر وخلق الله بعد شطار=لاتعدا علي ياطيب الفالي

ابن ثايب

انت وش لك معي تقتص بالآثار=سكة(ن) تتسع لك...........
القضية وراها يازميل اسرار=غير خلك حشيم ودايم(ن) غالي

حمد هادي

كل طير يوقع الارض مهما طار=غير بمشي معك مادمت بحتالي
من نزل في البحر يكسب من المحار=والبشر فيه عقال(ن) وجهالي

ابن ثايب

وش ترا في جوابه ياعمر مختار=هجل يرضيك خلط المر بالحالي
تبغي الجنه فحولت صوب النار=من صلاة العشاء تذكر تفجالي

حمد هادي

انت رئيس شعاعير الجنوب خيار=مير لاتحد ضيفك لأشهب اللالي
ودنا يابن ثايب نطرب السمار=والمعاني نخلي سعرها غالي

ابن ثايب

مانوينا نسوي ردة(ن) واشوار=لكن الضيف يظلم بخته الخالي
ربعك اللي يردون الكبار صغار=مير حاسب حساب الربع الابطالي

حمد هادي

لو عراوي يجنب سكة القيطار=ذاله اشوا على ماقيل واشوا لي
..........................................=.........................................

ابن ثايب

انت ضيف عزيز وللفطين اعذار=كسوتك عندنا ثوب(ن) ودسمالي
اسر ولا ترا السكه على الجزار=ضيفك العام جاك وزبن الجالي

حمد هادي

احمد الله نظيف ولاوطيت العار=القدم بالحذا والراس بعقالي
والله اللي عليم بغاية الاسرار=يامن اخطى علي لاضرب به الجالي

ابن ثايب

ما اتهمناك في شيء من الاخطار=غير قد ودك بما شين البالي
نيتي بختبرك ايمين ثم ايسار=مدري انها دحال(ن) مالها والي

حمد هادي

تعرف الدله اللي جت بدون بهار=والمعاني تصير قصار وطوالي
انتبه ماوطا الموتر بخط القار=وانتبه لاتلف ايمين وشمالي

ابن ثايب

انشد اللي يعرفون الهدف وش صار=جعل ماني بتو الناس زلالي
لاقدم جونا صوبك عليه غبار=فأجتنبني وقفل فاج الاقبالي

حمد هادي

يالله ياناصر المسلم على الكفار=عن على قبل ما اقوله بينقالي
كلما اعدله يالربع لف ودار=لو تشاليت انا ماهو بمتشالي

ابن ثايب

ويح راسك على الرقمه وبالمسمار=لين تدري معك في الحفل رجالي

[قادح شرار]

الضلع الراسي , مشكوووووووووور على مجهودك .

وتقبل مروري ..

[ابو شرف]

مشكور على النقل يالغالي...

[وافي الخماش]

كل الشكر وصح السنتهم والله يرحم المسردي عز الله انه فقيدة ..

[فلاح القحطاني]

مشكوور على النقل الرائع

الله يرحمك ياحمد هادي المسردي

[/عبد العزيز الجذع/]

الله يرحم المسردي....



لاهنت على النقل الموفق...

[الضلع الراسي]

شكراً..... اسعدني مروركم

وتعليقكم

تقبلوا تحياتي واحترامي

[ابو فايح]

محاوره جميله اشوف ابن هادي يجامل ابن ثايب ماوده ينزل بالمحاوره لكن ابن ثايب نار مشتبه تعلمه ولا ما تعلمه

[الضلع الراسي]

شكرا لمرورك يابوفايح

وفعلا كلامك صحيح ابن ثايب دائماً حماسي ومعروف عنه هذا

يحيي الحفلات دائماً

[.العبيدي.]

الله يرحم حمد هادي المسردي والله يسكنه فسيح جناته
واشكرك على الموضوع الرائع يالضلع الراسي ولاهنت
.
.
.
.
.
.
.