قصيدة دخيلك للشاعر ضاوي العصيمي

[أبو مرحبا]

يشوش الشعر ويروم الكمال ويبلـغ المنشـود=ليا منـي كتبتـه فـي بـلاد العـز والهيبـه
يجي مثل الشجاع اللي دعاه الماقف المشهـود=ويرقى المجد لين يويق فـي عالـي مراقيبـه
مداهيل الرسول اللي حماها الواحـد المعبـود=من النكبـات والويـلات والشـر ومشاهيبـه
بلاد البيت والمسجد وسادات العـرب والجـود=وبيضان الوجيـه وقبلـة الشعـر ومعازيبـه
معازيبه هل العوجا عيال معـزي ال سعـود=يشوم الهم شمـام وفـي مجالسهـم مطاليبـه
يسلّـم ويتكلـم والمـراد وغايـة المقـصـود=معايدهم وتجديـد الـولا مـن ربعـي عتيبـه
يقول اقدامنا ماتمشـي الا مـع دروب جـدود=وعهـد جدودنـا لمعـزي نعيـده ونوفيـبـه
مثل وقفاتهم يـوم أن ذا حـاوي وذا مـردود=نقف ونحارب الارهـاب وافكـاره واساليبـه
تضامنا مع الدوله على وضح النقـا المجـرود=وحنا اهل الوفاء لاغـرت الخايـن هناديبـه
وحنا لاقبس زند الحريب وحـك عـودٍ عـود=لنا الفعل الكبير اللي ينومـس مـن يماريبـه
وطنـا ياوطنـا لـك غـلا بقلوبنـا موجـود=نشيله فـى القلـوب وصـادق السنّـا تغنيبـه
حماك الله من العابث ومن غيب الليالى السـود=وحمانا الله من الارهـاب واصـواتٍ تناديبـه
وعسى اللي زاغ عقله للطريق المستقيم يعـود=وحنـا اللـي يعـوّد مـن متاهاتـه نهليـبـه
نحيي رجعته والباب دون اللي مضى مسـدود=ونطوي صفحة الماضـي وننسـاه بعذاريبـه
الا يابن الوطن تكفـا عـدوك لايقـودك قـود=ترى الرجال يبرح درب رجله قبـل يمشيبـه
دخيلك لاتطيع اريا العميـل الحاقـد النمـرود=يدفك زهبـة ٍ فـي حلـق مدفاعـه ويرميبـه
عدوٍله مآرب واله غايـه وانـت مالـك فـود=دفع بك للمهالـك ثـم لقالـه عنـك تجنيبـه
عصابـاتٍ تغذيهـا العـدا بالمـال والبـارود=وتلقى من شباب امـة محمـد مـن تضحيبـه
تغرر بالشباب ومن وقع فى المصيده مصيـود=ولايبكي على المفقود غير اهلـه واصاحيبـه
تمهل وانتبه مانت ب على الدرب العوج محدود=ترى بعض الروابع غاديـه والرجـل تدويبـه
لو تميز دريت انك من ارباب الفتن مضهـود=تعيش بخوف واليا مت حكـم الـرب تدريبـه
ومن يجني على نفسه وقومه بالشقـا موعـود=مثل قول الحكيم مصيبةٍ فـي ساقـة مصيبـه
تراجع لاتمادى دام لك حبـل العفـو ممـدود=ولاتتبع هوى الغادين واهـل الشـك والريبـه
ولن واصلت في عمياك همك كل يـوم يـزود=طريق التيـه ليـلٍ سرمـديٍ عـاويٍ ذيبـه
وحنا فى الشدايـد والقسـا دون البـلاد نـذود=ولن بان الهـدف لعيوننـا نرميـه ونصيبـه
نعيش الامن فيها والرخا والها نعيـش جنـود=عيـونٍ ساهـره والمعـتـدي يبشربتاديـبـه
وتبقى راية التوحيد مرفوعه على أعلى طـود=شعارٍ للسلام اللـي كريـم الوجـه موصيبـه
عسى غر السحاب اللي تسوقه رايحات النـود=بتدبير العزيز مـن المناشـي جـات تدنيبـه
ليامنه تغشـى المملكـه مـاه انتثـر بركـود=على حزم ودماث وكل واديٍ جاك باللـي بـه
على دارٍ عليها شعبها بيـن الامـم محسـود=حفظها الله من انياب الزمـان ومـن مخاليبـه

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[وافي الخماش]

صح لسان ضاوي شاعر مبدع ..

[الخيال]

صح لسااااااااانك يالعصيمي
وماقصرت يالى نقفلت القصيدة

[/عبد العزيز الجذع/]

قصيدة رائعــــة...


صح لسان الشاعر : ضاوي العصيمي...


والف شكر على النقل الموفق..

[محمد العتيبي]

أبو مرحبا

بارك الله فيك على هذه الدره للشاعر المبدع / ضاوي العصيمي ..
تحيتي وتقديري لك بالغالي ..
...

التوقيع

للتواصل عبر twitter تويتر al_bargawy@

[أبو مرحبا]

بيض الله وجيهكم يالنشاما

مروركم شرف كبير لي

تحياتي للجميع

[ضاامي وفااا]

لاهنت وتقبل مروري

[بدر الكريزي]

صح لسان الشاعر /ضاوي

ولا هنت على النقل

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[محمد بن هندي]

صح لسان الشاعر ضاوي العصيمي
وبيض الله وجهك على النقل

[لبرنس]

صح لسان الشاعر ضاوي العصيمي