امسية (( هجاد )) مع الشاعر سلطان الجذع

[سعود العصيمي]

العازمي=

سلطان تو الليل انا توّي نويتك بالهجـاد=شاعر بني عساف واحد مار ابقطعهم منه
قالولي انك فالمعاني مثل صوّان الزنـاد=دامك كذا فالميسره ماقط صارت ميمنـه

سلطان الجذع=

لاتحتزم للحرب وانتـه لاسـلاح ولاعتـاد=لكن عن قولك سكوتك يابن عاصي مااحسنه
قالوا وانا خصمك سليل اللي تسود ولاتسـاد=من ذا الذي فالشعر راهني ولااخذت رهنه ؟؟

العازمي=

الحر ماسمّوه حر الا على شـان الهـداد=صيدت مخاليبه تبرهلّك عراقـة معدنـه
خابرك شاعر مار ماجاك اختبار الاعتماد=واصحابك اللي جاملوك العام عافو هالسنه

سلطان الجذع=

العام الاول ماسلم غصنك من أسراب الجراد=مدري فهمت الرمز فالمقصود والا نعلنـه
ماهو غريب انك تشكك فالبعير وفالشـداد=الكذب دايم منطقك . والحسد قلبك مسكنـه

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[سلطان الجـذع]

,,,



ابو طايل الف شكر على التنسيق



,,,

[عيد العازمي]

طيب ههههه

مرّت وراحت مالقت فالدار شرب ولاش زاد = جزعان فيهم يالجذع والا تقوله ملعنه
يوم المزاحم يالجذع عوّدت في رجلك قياد = حدّوك حتى صرت كنّك من فريق البوسنه

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[سلطان الجـذع]

لاوالله الا حصلت ياصاحبي كل المراد =وش تكتب اقلام الصحافه ؟ وش تقول الالسنه ؟
عزالله اني ماسهرت اكتب حكاية شهرزاد =ركايبي سيرتها للمجد وامست فوطنه

[عيد العازمي]

ياصاحبي ماكنّك ابعايش معي وسط البلاد = واضح كلامي وانت هرجك صايرٍ فيه ارطنه
ارجع على ثوبك , صعيب اتحصّل اثيابٍ جداد = من طاول اطول منه ياسلطان ماينشد عنه

[سلطان الجـذع]

الواقع ان التين مايطلع من غصون العراد =وانت البخيل اللي تكاثر قل زاده فصحنه
اقول ليتك ياصحيبي ميتٍ وقت المهاد =هذا انت حي وفي مقام الميت اللي فكفنه

[عيد العازمي]

الظل يبقى ظل وقت الصيف والا فالبراد = واللي كواه القيظ عن لفح السمايم يزبنه
الا ندلس قوم الفرنجه قبل حرب ابن زياد = حسبي على اللي مجد طارق معه فالقبر ادفنه

والختام عندك ضروري يا اسطورة الهيلا


الف شكر على اتاحة الفرصه

[قادح شرار]

صحت الألسن يا شعار .


يا شباب روحوا شوفوا قسم الشريعة الأسلامية فيه موضوع يبكي ولازم تشوفونه اليوم لانه إذا تأخر ما عاد ينفع نسوي شئ .

[سلطان الجـذع]

ان كان ودك ياطويل العمر بالعلم الوكاد =ماصح فكر العازمي حتى ولو صح بدنه
ياعيد للاجواد جبت العيد قدام العياد =حسبي على اللي قبل يهرج منطقه ماثمنه

[سلطان الجـذع]

,,,



العازمي بيض الله وجهك أطربتنا
ولك كل الشكر والتقدير




,,,