مرثيه الشاعر(ناصر بن بجاد الفراهدي)

[اخو شطنى]

السلام عليكم ورحمه الله وبركاته
هذي قصيده للشاعر:ناصر بن بجاد الفراهدي
يرثي فيها اخوه بندر بن بجاد الفراهدي رحمه الله عليه
اترككم مع القصيده

واشيب عيني يامحمد من الموت=لاجا الاجل مافيه دبره وحيله
مع هادم اللذات كم دمرت بيوت=مرسل بامر الله كلن يجيله
حتى الملوك تموت كم طاحت بشوت=وضاعت عروش وكم بادت قبيله
ولاباقي الا رازق الطير والحوت=الواحد اللي كلنا نلتجيله
واليوم يامحمد خذ العلم مثبوت=حطو على بندر سواة النثيله
مفادت العبره ولا ياصل الصوت=ويا كيف ابلقى في زماني بديله
نعم العضيد الي على الطيب مبخوت=عشنا وقصتنا الحزينه طويله
كان الاسى شي على الدرب منحوت=قاسي قدرنا والنصيحه قليله
وصرنا ضحيه لليالي مع الفوت=ضاع العمر وغتاله الهم غيله
كن سوا في كل شي سوا الموت=واليوم كن الظل ماله مخيله
هو كان ظلي نفس الافكار والقوت=والثوب واحد والدراسه زميله
نجمن هوى واظن بالعين منحوت=والله يعوظه كان من خير جيله

شعـر\نــاصــر بن بــجاد الفــراهــدي

[عبدالرحمن الهيلوم]

صح السانه والسانك يالغالي

[محب الهيلا]

يعطيك العافية

[اخو شطنى]

صحت ابدانكم ومشكورين على الرد اخواني عتيبه

[محمد العتيبي]

واشيب عيني يامحمد مـن المـوت=لاجا الاجل مافيـه دبـره وحيلـه
مع هادم اللذات كم دمـرت بيـوت=مرسـل بامـر الله كلـن يجيـلـه
حتى الملوك تموت كم طاحت بشوت=وضاعت عروش وكم بادت قبيلـه
ولاباقي الا رازق الطير والحـوت=الواحـد اللـي كلـنـا نلتجيـلـه

سبحانه وتعالى..

ورحم الله الشاعر ناصر الفراهدي .

وتسلم يديك يامشعل على القصيده الثمينه ..
...

التوقيع

للتواصل عبر twitter تويتر al_bargawy@

[/عبد العزيز الجذع/]

صح لسانه..

ومشكوور يالفراهيدي...

[اخو شطنى]

الله يعافيكم ومشكورين على الردووووووووووود اخواني الهيلا

[ابن برقاء.]

الله يرحم الي قالها فيها ان شاء الله

[اخو شطنى]

مشكور يابن برقا وبيض الله وجهك على المرورد

[الفااارس]

هلا اخوي مشعل القصيده اثرت في مرررره رحم الله ميتكم واسكنه فسيح جناته كان نعم الصديق لي ولن انسى مواقفه ماحييت ابد بس بطلب منك خدمه اذا تقدر عليها اكون ممنون جدا.............بندر الله يرحمه كان بيني وبينه مساجالات شعريه وكان يطلعني على قصائده ومكنوناته وعندي ابيات موجهه لاخوه ناصر اذا تقدر توصلها قلي وشكرا