إذا أعرس المعرس عندنا غدا هيس

[الطير]

إذا أعرس المعرس غدا عندنا هيس = ونزيل إسمه من سجل القرومي

كلمات قالها شاعر يصف المتزوجين بحال يرثى لها من وجه نظرة ليبقى السيعد في الاخير هو العزوبي

قال العزوبي يوم شاف المعاريس = الرابح اللي لاقعد مايقومي
اول سنه كل يبث الاحاسيس = وثاني سنه تجلب عليك الهمومي
وثالث سنه حط الرمل والمتارس = لابد من حرب تقوم وتدومي
لامن دخلت الدار لاكنها بليس = متلفلف في غاليات الهدومي
تاخذ من المخباه وتسحب من الكيس = وتغير الموديل شي لزومي
وان قلت ما املك يامره لو هو فليس = قالت تدين لاتكثر بلومي
ليتك تساعدني تصحح كراريس = زادو علينا اربع حصص في العلومي
إزوارة في العصر والصبح تدريس = والليــل تصحيح ودي أنومي
تبكي إذا جاها وجع لو هو ضريس = وتقول أبي دكتور ماهو حكومي
يروح عمرك بين عرس وتأسيس = وأربع سنين والبزارين كومي
وسط المطابخ بين قز ومحاميس = هذا صحن رز وهذاك ثومي
ولا خلصت إمنظف ٍ كل الملاليس = جتك تقول إنهج نبي زود لومي
ولا جبت قالت إكنس الحوش تكنيس = خل البلاط يصير مثل النجومي
ومكرس جهدك من الخوف تكريس = و إن نادتك بالصوت أقبلت مومي
يجيك تالي الليل دايم كوابيس = ويشيبنك مزعجات الحلومي
تعيش يالمعرس حياة المحابيس = وشف العزوبي بكل شارع يحومي
من مفرق جلاجل إلى جوي الخيس = و إن حار حايرهم بوسطه يعومي
يفرح إذا شاف الوتر والمراويس = وفي كل يوم كاشت ٍ ومعزومي
شف العزوبي مايعرف الهواجيس = ولا يودي حرمته كل يومي
ياعنك ماحاش الفخر والنواميس = إلا عزوبي يعرف السلومي
إذا أعرس المعرس غدا عندنا هيس = ونزيل إسمه من سجل القرومي
وإلى بغيت البهذلة والدحاويس = فأعرس وخلك من عداد الرخومي
وش صابكم من عرسكم يالمفاليس = وش إستفتدوا غير دق الخشومي
إللي تزوج إشهد إنه غدا تعيس = والرابح إللي ماخذٍ له عمومي
ترى عناق العام نطت على التيس = والحر عقب العرس يصير بومي.

.

[عايف الدنيا]

أولا أشكرك على القصيده الــــــــــــزانه



ثانيه ياخي وش فيك تبي تعيفنا الزواج زياده على الــــدنيا اللي عايفينها



والأ من المتزوجين وتبانا نموت في جلودنا يابن العــــــــــــــــــــــــــم

[الطير]

مشكور اخوي عايف على الرد


لاكن صدقني اذا قدرت تعرس لا تتاخر
لا كن لاتاخذ الا بنت الطيب
لان العزوبيه تعب وقلق

[وصل العطياني؟؟؟]

هذي معلّمة

ومن قال كل النساء أو كل الرجال بهذا الشكل ؟!!

يمكن بعض الحريم مقرّد


بس تبقى الحياة الزوجية هي الستر والعفاف ...

مافي العزوبية إلا الهجولة ...

والتوفيق بيد الله سبحانه ...

أهم شيء إذا قالت الدرب يمين يروح يسار



ومشكور اخوي على المشاركة..



تحياااااااااتي

التوقيع

na111na@hotmail.com

[سلطان النفيعي]

السلام عليكم ورحمةالله وبركاته
تحياتي اخووي الطير تبانا تحجم عن الزواج الله يهديك
قصيدة رائعة لكن موضوعها يرووع
ولك خالص تحياتي

[((الدلبحي))]

الطير

لاهنت على القصيده والزواج كل يبيه ياغالي

تحياااااااااااااتي

[((الدلبحي))]

الطير

لاهنت على القصيده والزواج كل يبيه ياغالي

تحياااااااااااااتي

[رافع الرايه]

لا تنسوا قول الرسول صلى الله عليه وسلم (( تزوجوا الودود الولود فإني مكاثر بكم الأمم يوم القيامه ))

الطير صح لسان قايلها وسلمت يمينك ياغالي

والله يعينه على البهذله اللي هو فيها

لكن ما توصل الى هذا الحد من الكره

اصابعك ماهي سوى واذا كان الزواج اقشر فوالله ما اقشر منه الا العزوبيه

تحيا11111تي