القصيدة التي أغضبت الخليجيات + ردي على قائلها - الهيـــــــــــــلا *** منتدى قبيلة عتيبة

صالح العصيمي · 09-Aug-2004, 11:48 PM

القصيدة التي اغضبت الخليجيات :

[poet font="Simplified Arabic,4,green,bold,normal" bkcolor="white" bkimage="" border="outset,8,purple" type=0 line=200% align=center use=ex length=0 char="" num="0,black" filter=""]
ياللي تنشّـد عن علوم الذي طاف"="كل البحور وكل دوله وديره
خذ من علومي علم اوصافه اوصاف"="جزل سمين يشتعل له سعيره
الزين عقب المغربيات ينعاف"="غيد لهن بالزين ذكرى و سيره
فيهن حلا طاغي ولين و تعطاف"="وفيهن حنان يشعل القلب غيره
حلوات وصف وفاهمات بالاعراف"=" زيننات منطق صافيات السريره
بنات قوم طيبهم غصب ينشاف"="اولاد مغرب بالليال العسيره
ياللي تنشد عن علومي بالانصاف"="هرجي يكفي صامله عن كثيره
الزين في لميا وتغريد و الطاف"=" ماهوب في حصه و كشرة منيره

[/poet]

رد (( رياضي2000)) بقصيدة مماثلة :

[poet font="Simplified Arabic,4,green,bold,normal" bkcolor="white" bkimage="" border="outset,8,purple" type=0 line=200% align=center use=ex length=0 char="" num="0,black" filter=""]
ياللي توصّـف للعشيقين الاوصاف"=" من كل بحر وكل بلدة وديرة
ما جيتنا بالوصف عن كامل اوصاف"="مثل البديوي يوم نوخ بعيره
مـــــــــا وصّـله لبلاد تغريد والطاف "=" خلاه مثل اللي حباله قصيرة
ويجاذب الونات من هول ما شاف"=" ما جرب ثياب القطن والحريرة
قلت بدوي ما عنده فراش والحاف"="نفس العفيف وحاله اللي فقيرة
أوصافك اللي قلتها مابها انصاف"=" غـبنـتـنا فاوصاف بنت الجزيرة
بنت الجزيرة ما تمكيج وتنشاف"="وما تلبس المشلوح والا القصيرة
ماهي كما اللي تلبسه تحت الاكتاف"="وتـظهر في التلفاز وهية مثيرة
فستان ومخصّر فـــــــوق الارداف"="ما يلبسه غير الغـنوج الحـقـيرة
وضحى وموضي واختهن أم نواف "="مثل البدر وسط الليال البديرة
إسأل مجرب قبل تاقع فالاجحاف"="واتّـوه نفسك فالأمور الخطيرة
وتندم وتصبح فالبحر دون مجداف"="وان كان قصرت يدك عينك ضريرة

[/poet]