"فيديو كليب البرتقالة"

[وصل العطياني؟؟؟]

يذكرون الناس بنتٍ سولعيـّـة=جات في "فيديو كليب البرتقالة "
الخوي لا شافها ينسى خويّه= والأبو لا شافها ينسى عياله
بنت وش من بنت .. حيّـك من صبيّة=منوة اللي حب خلّه سمّ حاله
الهوى كاويه كيّة فوق كيّة=منسقم وان شفت حاله لا تســـاله
قلت وش هي ؟ قالوا أمهلنا شويّة=أعطنا فرصة ترى السرعة جهـــالة
يا وصل .. فيها وصايف عالميّة=واحدٍ ما شافها واعزّ تى له
ما توصّـفها الحروف الأبجديــّــة=يقصر التعبير لو طوّل مجـــاله
المحيّا والشفاه النرجسيــّـة=والعيون اللي تصحّي كل دالــه
والشعر ما كنّه إلا الشمس حيّة =هو جميل وصبغتــه زادت جمـــاله
والخصور نحاف واللمسة طريـّــة=لا دقاقة في القوام ولا جلالة
قلت : لله .. ذمّتي منها بريــّــة=اقصرو تعبيركم مالي ومالــه
علّموني بس وش هالآدميـــّة=من جنوب الدّار وإلا من شمالـــه
قالوا من أرض العراق أرض الحميــّـة=من يجيها يدري إن الشـرّ فالــه
قلت : أبا ألقي نظرتي عن حسن نيّة= الهوى ما يترك الواحد بــحاله
شفتها .. والصّدق ما زلّوا عليــّــه=زينها فايق .. وقولوا وصل قاله
مير تبقى قدم خلي عايديـّـة=النّعامة ما تشبـّـه بالغزالــة
خلي اللي من ورى نجد العذيــّة=مثل ظبي الريم يجفل من ظلاله
ساكنة في داخل أفخم عضــو فيــّــة = قلبي اللي ما أحتوى غير الرجالة
ولو أوصّـفها ظلمت الأجوديّــة=الوصف عنها قصيراتٍ حبـــاله
لو نظرها قيس عاف العامريــّــة= والبخيل ان شافها يرخص حلاله
عندي أحلا من شراب الشاذلية=وش يجيب الكيف عند البرتقالة ؟!

التوقيع

na111na@hotmail.com

[فرهودي]

رائعه.. رائعه..رائعه

من أجمل قصائد الغزل..

ولـو أوصّفهـا ظلمـت الأجوديّـة....الوصف عنهـا قصيـراتٍ حبالـه
لو نظرها قيـس عـاف العامريّـة....والبخيل ان شافها يرخـص حلالـه

الله يلوم اللي يلومك.. ياوصل

ميـر تبقـى قـدم خلـي عايديّـة...النّعامـة مـا تشـبّـه بالغـزالـة

عز الله..


تحية تقدير واعجاب..

فرهودي،،

[الســــــكب]

عندي أحلا مـن شـراب الشاذليـة.. . ....وش يجيب الكيف عند البرتقالـة ؟!

صح لسانك يالعطياني قصيدة جميلة من اجمل
هيضتني والله

[سميجر]

وصل

بدعك جميل

وطرقك حلووووو

صح لسانك ودام بدعك..

[ابوفادي]

صح السانك ياخوي وصل


والحقيقه انك انسان مبدع


الله يعطيك العافيه


وتحياتي لك

[ابن هوازن]

جددت جروحنا يا وصل الله يهديك

[ابن مشيب]

لو نظرها قيس عاف العامريــّــة= والبخيل ان شافها يرخص حلاله
عندي أحلا من شراب الشاذلية=وش يجيب الكيف عند البرتقالة ؟!

قصيدة ابصملها بالعشرة......

الله لايهينك يابومشهور , ابدعت في الوصف واختيار العبارات مشاء الله عليك....





تسلم مليون.......

[سمران القثامي]

الأخ الغااااااااالي / وصل العطياني ياخوي من زين القصيدة مغير اطرد وراك واعلق مشيت اربعين كيلو اليوم صح لسااااااااانك يابو مشهور

اخوك/ سمرااان القثامي

[طويل الذراع]

قصيده رائعه وماقصرت




تقبل تحياتي

[عااازف]

صح لسااانك...

وسلمت اناملك...

بس اللي تستاهل المدح اللي لابسه ليموني