كبسة ضبان

[معجب العتيبي]

اخواني اعضاء المنتدى
هالسنه ماجانا ربيع والامطار الله يجيبها
لذا حبيت اروّح عنكم واذكركم بالبر
بكبسة ضبان

1- يفترض انك تطلع للبر وتصيد كم ضب (هذا لو فيه ربيع)
طبعا تصيدها بأربع طرق:
أ- بالطرد وهذا للرجال السبوق(هههههه).
ب-بالتغريق وهذا للرجال اللي معه مطاره والما قريب منه. والا دوبه وارد ورايح لبيته. ههههه
ج- بشكمان السياره والله اعلم انها محرمه وتسبب مرض(يمكن ماني متأكد).
د- بالرمايه للبواردي واللي عنده بندق (هاليومين مافي )

بعد مانصيد نجمعها بكرتون والا بصندوق السياره
[img][/img]



2- يفترض ان يكون معك سكين محدوده زين للتذكيه والسلخ
[img][/img]



3- يفترض ان تجيد السلخ للذبائح والتفصيل
[img][/img]



4- برضو يفترض انك تعرف تضبط البهارات ومقياس المويه والملح والحركات
عشان تشرب مرق مضبوووووووووووط
[img][/img]



5- واخيرا ويفترض بعد ان الكبسه تضبط على الجمر وبالعافيه عليكم
[img][/img]


اللي عنده نيه وبعد ماشبع يبي يروح معي يجهز عفشه

التوقيع

[طارق النفيعي]

حسبي الله عليك

ياولد سريتنا وشهيتنا على الضبان والطردي والقنص

المشكلة ماهوب وقتها الحين وين بنحصل لنا ضب في هالبرد !!

يعطيك العافيه ولاهنت وتسلم ياذيبان

أخوك : طارق النفيعي

التوقيع

أخوكم : طارق النفيعي

[العتيبي المميز]

هههههههههههههههههههههههههههههههههههههههههههههههه

يا رجال شهويتي والعشا ما جاء

والله ان الخرجه معاك ما تنكرهـ

اكيد دامها معاك بتكووون طلعه ولا احلي

[معجب العتيبي]

المشاركة الأصلية كتبت بواسطة طارق النفيعي - البجادية

حسبي الله عليك

ياولد سريتنا وشهيتنا على الضبان والطردي والقنص

المشكلة ماهوب وقتها الحين وين بنحصل لنا ضب في هالبرد !!

يعطيك العافيه ولاهنت وتسلم ياذيبان

أخوك : طارق النفيعي

انا حطيته عشان تتحمسون ونسوي طلعه لشباب المنتدى بوقت الربيع اذا جا

بس مدري الصور طالع والا لا؟

وشكرا على مرورك

[فهد النفيعي]

الله عليك يا مبدع
يعطيك العافيه

[بندر المرشدي]

ههههههههه



والله اني كارها الضبان لي اكثر من اربع سنوات



لكن الطبخ هذا من شفته اشتهيت الضب لكن إذا طلعت لا تنسانا

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[نجر بن هاجد]

لاحول الله يهديك يامعجب شهيتني واين القى ضب الحين ههههههههههههههههههههههههههههههه مشكور

[محب الهيلا]

الله يعطيك العافية على العشاء

مشكور وماقصرت

[محمد فيحان العصيمي]

ما شا الله هذا الي خلى الضبان تنقرض

[القادم بقوة]

عمري ما كلت الضب
لكن انت خليتني اتحمس
اشكرك