عتيبه الهيلا

[عايض التوم]

عــتـيـبــه الــهــيـلا

حضرنا على عز ومعزة وعلم زين= علشان عزوه كلبونا نمثلها
عتيبه هل الطولات ومخلصين الدين= رفع ربنا من ماضي الوقت منزلها
هل السيف و أهل الرمح وأهل النضا والقين= ولا به قبيله في الجزيره تماثلها
هل المكرمات الخمس وقت القسا واللين= هل النخوه اللي كل طيب يبجلها
رجال الحميا والفخر والعرب دارين= ولا يربح اللي فالملاقا يطاولها
وذباحة الحايل ولطامة العادين= ومن حقنا انا نفتخر في فعايلها
أهل جانب طيب لون الزمان يشين= و أهل راية بيضا ولاحد بجاهلها
وأهل فزعة للي حداه الدهر والبين= و أهل لزمة وفعل مفضلها
هل العرف والمعروف والطيبات تبين= علوم تعلي قدرها ما تفشلها
و أهل وقفة يدريبها اللي ورا بكين= قبل دولة الصهيون تصنع مفاعلها
ومن طبعنا ما نتبع العالم المقفين= وناطا على روس الأفاعي ونقتلها
ومن طبعنا ما نرخي الروس للعالين= ونرفع مقام نفوسنا ما نهزلها
ومن طبعنا نقضي على الشك والتخمين= ولا كل هرجه نستمعها نقولها
ومن طبعنا ما نقبل الطيش والطاغين= طبول العلوم الكاذبة ما نطبلها
ومن طبعنا ما نلتفت للقصيرة لين= تموت الرجال اللي حميدة خصايلها
ومن طبعنا ما نبدي الشين للادنين= وكلمه نجاملها وكلمه نعدلها
ويا عتيبه الهيلا على روسنا والعين= وأن والله اني ما اتقي عن محافلها
أنا من رجال طبعهم للعرب جزلين= هل الواجبات اللي حداهم يكملها
هل السلم الأول والسنة فوقها شهرين= آلاد النفاعي منهل الجود منهلها
وشكرا من الأعماق يا ربعنا الوافين= وفيتو وكفيتو وجبتو وسايلها
دفعتو كثير المال يا ربعنا الشرهين= وحياة الرفيق الطيب الله يمهلها
عسى الله يتم اللي بديتوه يالذربين= لجمع القبيلة والصعايب نسهلها
لمزاين عتيبه عزوتي والعلوم تزين= عتيبه هل البل ورث أهلها من أولها
بكار حمولها بالمهند وبالمترين= وترعى ديار الخوف ما حد يجفلها
ولا جابها لصاحبها الا حدا الثنتين= بغير الذهب والدم ما حد يحصلها
وهالحين يا ربي لك الحمد أمان ودين= وكل بماله يشري البل ويعزلها
شراها بثمن مليون والا بمليونين= رجال العزوم المال ما هوب مزملها
ترا الطيبة يا مسندي مالها تثمين= يزيدون فيها والله اللي مجملها
ويا طيبكم يا عزوتي بين حين وحين= شريتو خيار ألبل وبعتوا سمايلها
وحنا بدار غالية تكرم الغالين= ولا تختلف و أخوان نوره بواسلها
شيوخ الكرم والجود حنا بهم راضين= وشبه الجزيرة خير الأجواد شاملها
عسى الله يعز الحكم والحاكم بلا هين= أبو متعب اللي كل الأيتام كافلها
يمينه عطاها ما توقف لها عامين= وحنا بالأرواح الثمينة نبادلها
عسى الله يعز الدين واللي يعز الدين= وبلدنا عسى الخيرات تكثر وتشملها

أخوكم / عايض بن عواض التوم الفليت النفيعي

[محمد العتيبي]

الله الله الله
صح لسانك ياعايض ..
رائع من رائع..

التوقيع

للتواصل عبر twitter تويتر al_bargawy@

[فيصل المسعودي]

صح لسانك يابن العم

على هالجزله

صح لسانك مدد بلا عدد

تقبل تحيات

أخوك

فيصل النفيعي

[عبدالله هادي ناشي الفليت.]

صـــــــح لساااااااااااااااانك

وبيض الله وجهك علـى القصيده عزاللـه انك شااااااااااااعر

[محب الهيلا]

مشكور وماقصرت على القصيدة

[مرزوق حمدان العتيبي]

...
.
صح لسانك يابو عواض .. وبيض الله وجهك
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[سعد بن مطلق المقاطي]

صح لسانك على القصيده الطيبه

[عايض التوم]

بيض الله وجيهكم جميعا على المرور وهذا من طيب ذاتكم وبعد نظراتكم

وآسف على عدم التواصل معكم بشكل مستمر


أخوكم

عايض التوم

[هايل الهيلا]

عايض التوم صح السانك


ومهمه كتبنا بالهيلا


ماوفينا حقه بالمدح


ومادحهم الله


وتقبل اعجابي بالقصيده


وبشاعرها

[عتيبي وافتخربربعي511]

صح السانك

وبيض الله وجهك