مليت من مشعان مجول وهذيك الربابه

[راع الاخبار]

المحاورة التالية جرت بين الشاعرين الكبيرين رشيد الزلامي وصياف الحربي

الزلامي:



الصاحب اللي غاب عنا سنه واليوم شفناه
ماودي أنشد صاحبي عارفٍ سبة غيابه
بس المهم اليا تعافى نقول الحمدلله
ون كان ماقالوه خندف يقولونه شبابه


صياف:



الادمي فالكون مسؤول عن دينه ودنياه
اما رجع ولا تلوى به الذيب وسرابه
ليت الزلامي هاك الايام خامسني بيمناه
ثم أعتزى بحزامه اللي مع الناس اعتزوا به


رشيد الزلامي:



ياصاحبي صياف ماقيل فالماضي لقيناه
مليت من مشعان مجول وهذيك الربابه
إلى صدف له واحدٍ في هذاك الدرب خاواه
وانا اتحرى صاحبي لين تلفي به ركابه


صياف:



روح إقلب الصفحة وتلقى الكتاب اللي كتبناه
وان كان ماتقراه يقراه غيرك بالنيابه
ياليت ذاك الحمل عند العرب فقصاه وادناه
لكن اخاف إنك تجي به وتعطيه القرابه


رشيد الزلامي:



شفنا لنا خطٍ على الصفحه ملواه
واكيد ماهو من كلام النبي ولا الصحابه
العام يوم نسوق الجمل يازين ممشاه
واليوم عسى الله يغيثه بقطره من سحابه


صياف:



هرج الزلامي لو تلقاه فالسوق اشتريناه
لكن من كثر الحسد يلتوي به فالشعابه

[عتيبي عفيف]

راع الاخبار

محاوره جميله وشاعرين لا يختلف فيهما شخصين

مشكور على النقل

تحياتي لك

[راع الاخبار]

عتيبي عفيف
مشكور أخي على مرورك الكريم

[وصل العطياني؟؟؟]

تسلم يمينك ...
إختيار موفق وأكثر من رائع..
لك كل الود..



تحيااااااااتي

التوقيع

na111na@hotmail.com

[راع الاخبار]

وصل العطياني؟؟؟ مشكور أخي على مرورك الكريم

[فيلسوف الصحراء]

الله يسلمك ويعافيك

صراحة ونستنا مع المحاورة هذي