دانــــة بحــــــــر

[عوض العتيبي]

بسم الله الرحمن الرحيم

القصيده عبر جريدة الرياض هنا

البارحه فى القلب هماً يجزه =يسريبي الهاجوس ماحدٍ دريبي
كني مجاهد للعدا وسط غزه =لشرد القوافي صرت خصم وطليبي
اروض اصعبها غصب واستفزه=ماهمني لو دار حرباً صليبي
كله لجل بنت الكرم والمعزه =شمس الطهاره جعلها ماتغيبي
عالي نسبها كل عينٍ تخزه =في مدحها ماني بقايل غريبي
المدح لايق في سمؤو بزه = بنت الشيوخ مطوعين الصعيبي
دانة بحر عن كل شينناً تنزه =محشومةٍ عن كل دربٍ يعيبي
بخلاقها مابان لو شبه هزه = عقلاً رزين اومعه صدراً رحيبي
الزين يمشي بامرها كل حزه =فازت على الخفرات باكبر نصيبي
بين العذارا شيخة البيض رزه=نالت زعامتهن بعيد وقريبي
في عينها سهم المنايا تهزه =موتاً يحقق دون شكاً وريبي
طريحها كن الشباري تحزه=لو يشتكي مافاد فيه الطبيبي
حاله صعيبه بين غطه وفزه =يتوه في بحر العيون ويغيبي
حتى ولوهو شاب بأول منزه=من عينها راسه غزاه المشيبي
والخد براقٍ مزونه تلزه = يفيض سيله عن مسار الشعيبي
ويبل الارض اللي زمن مشمئزه=مرت عليها اعجاف وقتٍ مهيبي
غبه ونقع الارض تعجز تمزه=يغدي بعيني مثل بحر الكاريبي
بامر الاله أيكون من فضل عزه=الواحد القهار ربٍ رقيبي
سبحانه المعبود ربٍ امنزه = ماغيره احد للدعاء يستجيبي
وتم الحديث وكل عينٍ تقزه =در المثايل والكلام الاديبي
لعيونها تمم على وزنة أزه=تصريح موجز من لسان العتيبي

[السميــــــري]

عوووض العتيبي ..

قصيدة نادرة .. أبدع يامبدع ..
صح لسانك ..

[نواف العصيمي]

طريحهـا كـن الشبـاري تحـزه
.......لو يشتكي مافـاد فيـه الطبيبـي

ممم جبتها على الجرح

صح لسانك وبيض الله وجهك شاعر جزل يابن العم

وفي إنتظار ومتابعة جديدك

ولك التقدير والإحترام

التوقيع