قصيده للشاعر تركي بن محيا

[مطلق الشيباني]

هو تركي بن محيا من شيوخ الروقه من عتيبه من قصائده هذه القصيده

عن تأخر السيل حيث نزح العرب عن اوطانهم طلبا للمرعى :

ويقوووووووووووووووول
[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يا من يبشرني واسوق البشاره "="عسى على نجد حقوق الشخاتير

دار بها صقع الحدا والنذاره "=" اخير من دار الرخا والجواخير

نجد العذي الله يسقي قراره "=" مدهال زرفات البكار المغاتير

ياحلو مرباعه ومشرب بياره "=" لا قطبوا جيانها بالدواوير

كم هجمه نودع عليها كراره "=" فوق النضا ومعسكرات المسامير

حريبنا دايم نزوره بداره "=" لما غدت عنا القبايل بعاثير

حريبنا يا ما شكا من خساره "=" خسارته شجعان ماهي مخاسير

الى ركبنا فوق مثل السعاره "=" مركاضنا يشبع به الذيب والطير
[/poet]
تقبلوا تحيات :- مطلق الشيباني ..........................

[ابن مشيب]

رحم الله الشيخ تركي بن محيا , فهو شيخ وفارس............


مشكور على هذة المشاركة المتميزة يابن العم...........



تحياتي........

[((الدلبحي))]

تسلم يامطلق على القصيده الجزله
صح السانك والله يرحم ابن محيا

[مطلق الشيباني]

مشكوووووووور على هالمرور و الرد الاكثر من رائع

والله يرحمه ويرحم اموات المسلمين

تقبل تحيات اخوك :- مطلق الشيباني .............

[مطلق الشيباني]

مشكووور على مرورك وردك الرائع وتسلم يابن العم

وصح بدنك يابن العم وصح لسان قايلها

تقبل تحيات اخوك :- مطلق الشيباني .............

[ابن هوازن]

ونعم والله براعين الحرداء كلهم

[شيباني نت]

اخوي مطلق ابداع غير طبيعي
(حريبنا يا ما شكا من خسـاره
خسارته شجعان ماهي مخاسير)
البيت هذا يكفي (يا هيك الشعر يا بلا )
مع تحياتي ( ابن عمو ) شيباني نت