دريـــد بن الــصــمه لاهــنــت !!

[راع العلطا]

مادمها بيننا يا صاحبي تصفي المشاريب=لعل ضني بكم يا دريد دايم مايخيبي
الوقت دوار و العالم بدى ابها الشك والريب=و الدوله استعمروها ناس من رديّ النصيبي

[راع العلطا]

مقاطي الحجاز
هلا ومرحبا مرورك ومتابعتك طال عمرك وجودك نوماس في صفي ولا في صف دريد

كعام المعادي
ارحب ثم ارحب ومشكور على المرور وجودك فخر

[دريد ابن الصمة]

الذيب ما ينهش عضوده ليا شاف اللواهيب = وانا ادري انك قوي عزوم وتحل الصعيبي
يا ذيب شفتك مع اللي منزله عال المراقيب = ولقيت لك حق لكن شفت له حقاً غصيبي

[راع العلطا]

يادريد حقي لك الله ماتغطيه الجلاليب=وانا مجنب وذيبٍ صد يمي وش يبيبي
انجيت اجنب عن الموضوع تكسيني عذاريب=ياكيف اجنب وانا سيفي معايه والقضيبي

[دريد ابن الصمة]

يا شيخ حقك يبا يرضيك لا ترسل مناديب = وان صد خله يصد العلم لا لد الغريبي
الناس يا راعي العلطا لهم فن ومذاهيب = احداً صعد للجبل واحداً عما كت الشعيبي

[راع العلطا]

مارسلت لاحد ٍ يعاوني على حمل المشاعيب=اليا رميت الهدف ياصاحبي رميي يصيبي
ياذيب يلي تجر الصوت في روس الشغانيب=مارضى حساب البشر مادام لي ربي حسيبي

[دريد ابن الصمة]

يا طيب عينك ليا شفت الهدف لا والله تصيب = يا صاحبي راعي العلطا تزيد الطيب طيبي
القوم سد الشفا والنار تقدح بالمشاهيب = وانته لحالك تضد القوم بالرمي العطيبي

آخر تعديل دريد ابن الصمة يوم 28-Aug-2007 في 06:24 AM.

[راع العلطا]

دريد بن الصمه بيض الله وجهك على هالمحرف اللي بلا شك استفدة منه

والختام عندك وانااخوك..

لاهنت لاهنت طيبي طيبكم كالغيص والسّيب=مثلك سلاحي نهار الكون ننطحبه حريبي
مالي ومال الرخوم ولانبا كلاب المغاريب=وان جوهم القوم جروهم كماجر العسيبي

آخر تعديل راع العلطا يوم 28-Aug-2007 في 06:50 AM.

[دريد ابن الصمة]

راعي العلطا


وجهك ابيض يالقرم


وبدون شك الفائده لي


وختامها هات خشمك


ونلتقي على خير