مقتطفات شعريه من أبيات الحكمة لنخبه من الشعراء

[الرويل الأول]

مقتطفات شعريه من أبــيــات الحكمة والموعظة لنخبة من الشعراء
قال الشيخ /تركي بن حميد

ياما حلا يا عبيد في وقت الاسفار=جر الفراش وشبّ ضوء المناره
مع دلةٍ صفراء على واهج النار=ونجر إليا حرك تزايد عباره
والنجر طلق وجاذب النجر مرار=مالفه الملفوف من دون جاره
وأخير منها ركعتين بالأسحار=إليا طاب نوم اللي حياته خساره

********************************************
قال الشيخ /شالح بن هدلان

من حل دار الناس حلوا دياره=لا بد ما تسكن بلاده ويغبن
ومن شق ستر الناس شقوا ستاره=ومن ضحك بالثرمان يضحك بلاسن

*****************************************
قال الشاعر /محمد الاحمد السديري

ما يستريح القلب لا صار مشغول=ولا تنعذل نفس على فقد أهلها
ولا يشتكي راس عن الجسم مفصول=ويمنا تفاخت مايركب بدلها
واللابه اللي بينها الهرج منقول=تفسد وبين الناس يفسد عملها

********************************************
وقال إيضاً

إليا خاب ظني بلرفيق الموالي=مالي مشاريه على باقي الناس
ياجعل قصر مايجي له ظلالي=ينهد من عالي مبانيه للساس

************************************
وقال إيضاً:

كم واحدٍ له غايةٍ ما هرجها=يكنها لوهو للادنين محتاج
يخاف من عوجاً طوال عوجها=هرجت قفا يركض بها كل هراج

************************************
قال الشاعر /بندر بن سرور العتيبي

أحد ينام وحط راسه بكمه= وأحدٍ تخم النوم عينه وتخطيه
أحد يحاول بالردى بنت عمه=وأدٍ يحاول ستر عذرا عوانيه

*************************************
وقال إيضاً:

يوم ولد الاش رزقه على أمه=رزقي على اللي ميت القشع يحييه
ماني وأنا بندر ببياع دمه=يقطعك يا بياع دمه وشاريه
اللي يبيع لا بسات الأزمه=يبغى مهر بيض الرعابيب يغبيه

************************************
وقال إضاً:

أنا الذي ما ابدي على الناس سرّي=من خوف سودان الوجيه تحكي به
أصبر على ظيم الدهر و التعرّي=من شان من يرضى عليّ الغليبة
و ابعد مجالي عن عيال التزرّي=من لا هوى قلبي دواه المغيبة
واخاف لي من مجلسٍ ما يذرّي=في جانبه بومٍ حساسه صليبه
و سوالفٍ مابين بحث و تحرّي=يجرح فؤادي عيّه و ابتلي به
يرضيني المقسوم خيري و شري=سبحان من لا تعلم الناس غيبه
أحدٍ على ربعه يحب التحري=للشر بلاس و خيره يجيبه
هذاك يالربع انا منه متبرّي=لو عضّني ناب الدهر ما انتخي به
من خوف يضحك لي و هو يستغرّي=يفتل حبال السّوْ ما يندري به
يفرح عليّ بكل شيٍّ يمرّي=و ان شاف يمّي خير عنّي نهيبه

****************************************
وقال إيصاً

ماني وانا بندر بهيتٍ ولد هيت=ههيت مقابل خمّةٍ يكرهونه
من كثر ما جرّبت وأقبلت و أقفيت=قولة هلا من لا يودّك مهونة

*****************************************
وقال الشاعر /سليمان بن شريم

ترى حلاة الخوي ليا طالت المده=ماهوب نوب صديق ونوب قوماني
رفيقي اللي مصافيني على الشده=وإلا الرخا واجد ربعي وصدقاني

****************************************
وقال الشاعر / راشد الخلاوي

الأعمار ما يبقى بها مثل مامضى=والأيام م اللي فات منها بعايد
نعد الليالي والليالي تعدنا=والعمر يفنى والليالي بزايد

******************************************
وقال الشاعر / سعد بن هتيل الدوسري

يا سحمي أوصيك بالعود فانه=ماحط من دوني ودونك بضاعه
وابغى ثلاث منك من غير منه=الدين الأول والكرم والشجاعه
والرجل لا من الثلاث أفختنه=لا ينبغى قربه ولا به طماعه

***************************************
وقال الشاعر /سعيد بن علي الحبابي

أنشهد أن بعض الرجاجيل دنفوس=يجذب لنفسه من بعيد دنسها
غادٍ على النمات والكذب جاسوس=والكلمه اللي في صولب ٍ عكسها

*************************************
وقال الشاعر حامد بن مايقه الحبابي

الطيب ما نستكثره من هل الطيب=اللي لهم في ماكر الطيب خبره
أوسع على الاجواد ومنروضة أشعيب= واضيق على الانذال من ثقب اللإبره

*************************************
وقال الشاعر بديوي الوقداني العتيبي:

أيانما واليالي كم نعاتبها=شبنا وشابت وعفنا بعض الاحوالي
تاعد مواعيد والجاهل مكذبها=واللي عرف حدها من همها سالي
إن اقبلت يوم ما تضفي مشاربها=تقفي وتقبل وما دامت على حالي
في كل يوم تورينا عجايبه=واليوم الأول تراه أحسن من التالي

**************
حتى قال بديوي:

قوم اليا جيتها صكت حواجبها=وأبدت لي البغض في مقفاي واقبالي
وقوم اليا جيتها رفت شواربها=بالضحك وقلوبها فيها الردا كالي
ماكني الا مسوي حال مغضبها=والكل في عشرتي ماكر ودجالي

**************
حيث قال بديوي

والروح وش عذرها في ترك واجبها=راح الحسب والنسب في جمع الاموال

*************
وقال بديوي:

المال يحيي رجال لاحياة ابها=كا السيل يحيي الهشيم الدمدم البالي

*************
وقال بديوي :

عز الفتى راس ماله من مكاسبها=يامرتضي الهون لا عز ولا مالي

*************

وتـــــــقـــــــــــــــبــــــــلــوا فـــــــائــــــــق احترامــــــــــــــــــــــــــــــــــــــي

[نفيع العتيبي]

اخوي الرويل

موضوعك مـكـرر

[فهد النفيعي]

قال جدي بصيص الدلح
وكثر الشكاوي للنفوس الضعيفات
الا على ربي رفيع الجلالي
وبرقت في الدنيا ولا من طرابات
شانه وقافيها الفنا والكمالي