ترفع صداها لين تسمعه الاموات ** من خوف لااا يبدي ونين الاخوّة !

[فيصل الثبيتي]

السلاام عليكم .. مساء الفل

متواضعتي .. بنسيم الطائف .. اتمنى ان تروق لكم

في ديرتي .. وسط الجبال المنيفات=اللي تحف الغيم .. وتعيش جوّه
هبّت هبوبٍ من بعيد المسافات=" والقلب ما للقلب " يا كود نوّه
نو ٍ على قلبي تحدده رسمات=فيها ملامح صاحبٍ عاش جوّه
يا صاحبي ياللي من الذات للذات=نبضات قلبي .. اغلبت كل قوّة
ترفع صداها لين تسمعه الاموات=من خوف لااا يبدي ونين الاخوّة !
شفني وانا في ديرتي تسع مرات=اقطف ورودي بين لوّه ولوّه
انا تعبت من الشقا والمتاهات=والقلب ما توَّه .. ولكن توِّه !
يالساحل الشرقي حواليك آيات=شوف القمر من وين جاب إلك ضوّه ؟
نجم ٍ سرق من صاحبي ضو بسكات=وانور شواطيك وزهى في علوّه
سلام يالساحل سلام وتحيات=يم الغلا .. راع الوفا والمروّه
قلّه على صدر المعنّى علامات=جور الزمان وعاقباته وسوّه
والله يا دمع ٍ على الخد شتّات=انه تعدّى "غطرسات الابوّه"
دمع ٍ يسوي له رسوم وشعارات=امن المحاجر والضلوع ايتموّه
شف خدي الايمن بعين الخواجات=وقله ترا الدمعات سوّت تشوّه
والصدق ياساحل على قافية (آت)=مادام صدق الرجل يعني سموّه
ماهوب مخطي مير في بعض الاوقات=اشتاق له شوق النبي للنبوّه
شوق ٍ يوردني حياض المنيات=موت ٍ ما هوب يقول ولا ينوّه !
وان جيت ابكتب له قصيد وعبارات=شي ٍ تخالج في ضلوعي وفوّه
اربع قصايد فتل من جملة ابيات=وقّفتها في (اوك) ما هي فـ(اوّه)
من شان عينه مدعج العين بالذات=ما هو على شان الشعر والفتوّه
لكنّه اقفى .. جعل درب السلامات=دربه ما دامه منسجم في خلوّه
والحب حسرة .. والغرابيل حسرات=واللي يبا منّك تعنّى وسوّه
ثم روح قلّه فالجبال المنيفات=صار الحجر فالهم .. جوّي وجوّه !

وسلامة كل من يقرا ...

آخر تعديل فيصل الثبيتي يوم 23-May-2007 في 12:18 AM.

[ابوبجاد الرويس]

صح لسانكـ

وبيض الله وجهكـ

قصيدة رائعه وجزله يالذيب ,,,,,, والطائف ما يحتاج

وتقبل مروري

[حمد بن جوباح]

.
..

وعليكم السلام ورحمة الله وبركاته

مساء الورد

إبداع يعانق الغمام

وشهادتي فيك مجروحه

صح بوحك



.
.
.











تحياتي لكـ ،،

[فيصل المسعودي]

السمي


مسيت بالخير في البدايه


وكيف الاحوال


تغيب وتغيب وتغيب ثم تجي بعد الغياب بشيء يخلينا ننسى غيابك


ابداع يالسمي


صح لسانك


تقديري

[السميــــــري]

فيصل الثبيتي ..
صح لسانك وبيض الله وجهك على هذه العملاقة .. الرائعة ,,
شاعر أجاد في الاسلووب والمعنى ..
عيني عليك بارده ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[عيضه الثبيتي]

هلا فيصل.......


اطربت مسامعنا واتحتفنا بالرائعه



وش لونك عساك طيب؟؟


تحياااتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[متعب العصيمي]

صح لسانك يافيصل , قصيده جزله لاهنت ..

ننتظر جديدك..

مووووودتي..

[فيصل الثبيتي]

ابو بجاد

مرورك مشرّف .. وشهادتك وسام

لا هنت يالغالي .. تحياتي

فيصل

[فيصل الثبيتي]

حمد بن جوباح

مرحبا بك يالرفيق .. وجودك بحد ذاته كافي

صح ذوقك .. ولا هنت على الرد .. تحياتي لك ...

فيصل

[فيصل الثبيتي]

مرحبا مرحبا يالسمي

مسيت بالنور والرضا .. بشرنا عنك

جعلك طيب .. غيابي مجبور ٍ عليه يالغالي

وشوفتكم بالملايين .. لا هنت يا كحيلان

وصح بدنك مليار ...

فيصل