قصيدة للشاعر سعد بن عماش بن خرصان الحافي- في الشيخ تركي بن محيا

[ابن خرصان]

القصيدة في االشيخ/ تركي بن سداح بن محيا العتيبي رحمه الله
للشاعر/ سعد بن عماش بن خرصان العتيبي رحمه الله

يـقــــول ابــن خـــرصـان قـــافٍ يـغــنـيه=قـــافٍ كــمــا الـســكـر على در الأشباب
هــات الـقـلــم يــا سعـود واكـتـب معـانـيه= مـن واحــد سـهـران لـيــن القـمـر غــاب
يـــــا مــل قــلــبٍ كـــــاثــراتٍ طـــواريه= ويــطــري عــلـيـه بـالحـشـا كـل هـنداب
لـــيـا طـقـه الـهـاجــــوس مـغــار اسـلــيه= و أكـــن صـبــراً لـو فـوق الـصــفـا ذاب
عــلــى رفــيـــقٍ ربـعـــتـه تـــكـتـفـي فـيه = فـي حـــزةٍ تـكــلــح بـهـا بعـض الأنـياب
يــا أبـو ذعـار القـصـر من عـقـب راعـيه = لـولاك والله مــا وقــفـــنـا عـلـى الـــبـاب
لـــيــا ذكـرتــــه هـيـض الـقـلـب مــا فــيه= تــقــول يـضـرب بـسـرة الـقـلـب مشذاب
قـصـرٍ يــذكّــــر مــولّـــع الـقـلـب ماضيه= حــيـثـه مــقــر للــرفـاقــه و الأجـــنــاب
مـــدهـــال أهـــل هـجــنٍ حـفـايـا سماريه= لـيا جـن مـن عـقـب المساري و الأتعـاب
مــــا جـوبـهــم كـبـشٍ مــربِّــيــه راعـــيه= و حــيــلٍ يـقـلـطـهـا لـعـكـفـان الأشـنـاب
أقــفــى عـلـى الـلـي يـبـعـدنـه مـــمـاســيه= الله يــــرده يـمــــنـا عـقـب مـــا غـــــاب
تــركــي ولــد ســداح تـحــمـد مــسـاعـيه= فــي ربـعــة الأدنـيـن و ألا فـي الأجـناب
و هـــو شـيـخـنـا الـلـي كـلـنـا نـدرق فــيه= لـيـا جـاء لـنـار الحــرب مـحـمي وشباب
يـــــفــرح بـه الـمـضـهـود حـزة يــلاقــيه= الـلـي ولـد عـمـه ورى الـسـجـن والـباب
و يـفـرح بـه الـلـي عــــاســراتــه لـيـالـيه= و عــنـه الــرجـال الـلـي لـهم بأس هياب
مـــثـل الـعـقـيـلـي يــوم ربــه دعــــا فــيه= و أشــتــال لــه حـملٍ ثقيلٍ من الأصحاب
خـمـسـة عـشـر عـام و حــديــده يـــلاويه= دخــل ولـد والـيـوم بـالـسـجـن قــد شـاب
لــو أدعـــــى مـا فــرجــن لــه دعــــاويه= حـكــم عــلـيـه الـشـرع والشرع غـصاب
و بــلـغ بـقـتـلـه وأصـبـح الحـكـم واطـــيه= مــالـه حــدا كـود أزرق الـدمـع صـبــاب
قــــــال أمـتـثـل لـلـحـكـم لا تـشـتـبـه فــيه= الـشــرع مــأمـون عـلـى قـطـع الأرقـاب
ثــم جـت رجـال مـطـيـر تـنخـى وتـرجيه= عـقـب أيـسـو مـن كــل محـمي وطــلاب
ثــم قـام أبــو مـتـعـب وحـظــه مـصـافـيه= مـا يـحـتـجـب دون الأجـاويـد بـحـجــاب
عـنـى لـخـصـمـه لـيــن سـهــل مــعـــانيه= و سـلـم الـقـود و إرتـاح من كل الأطلاب
الله يــمـهـل يــــا ســــعــــــود لـــيـــالـــيه= الـلــي يـقـف مـن دونـــا يــوم الأكـــراب
لـو طـالــت الأيــام مـــا نــيــــب نــاســيه= زال الــنـفـس فـي غـالـي الـروح ما ذاب
راع الــوفــاء يــفــداه مـن لامـــنـــي فـيه= الــلــي لـنـا مــرهـون فـي فـك الأنـشـاب
و صــلـو عـلـى الـمخـتـار يا من سمع فيه= عـداد مـا تـجـــري الـمــراسـيـم بـكـتـاب

* الشاعر/ سعد بن عماش بن خرصان الحافي العتيبي رحمه الله

[نواف العصيمي]

يعطيك العافيه

رحمهم الله

... ولك التقدير والإحترام

التوقيع

[ابن نميان]

يعطيك العافيه

صح لسانك على القصيده ولسان قايلها رحمه الله

دمت بود

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[ابومحسن المقاطي]

مفيك حيله و فالك المليون واشكرك على انك تجيب قصائد قديمه
ومافيك حيله

اخوك:
ابومحسن المقاطي

[ابن مجوي]

يــــعــــطـــيـــك العـــــافية
والله يرحم الشــــاعر سعد بن عماش العتيبي

[ابن مجوي]

يعطيك العافية
والله يرحم الشاعر سعد بن عماش العتيبي

[ابن خرصان]

الله يسلم الجميع ويغفر لوالدينا ووالديكم وأعدكم بالمزيد بمشيئة الله وذلك للمساهمة في نشر الشعر القديم اللذي قل اهتمام بعض الشباب في المنتديات به كما أشكر القائمين على هذا المنتدى على إتاحة الفرصه 0

[مشل]

بيض الله وجهك يابن خرصان والله يرحمهم جميع

[ابن خرصان]

وجهك ابيض يالعانية ((مشل))

واشكر تواصلك ومتابعتك

[ابوبندرالشيباني]

اخوي ابن خرصان
صح لسانك ولسان الشاعر سعد الحافي رحمه الله
قصيده رائعه
مع تحيات اخوك ابوبندر