عتيبة من الطايف إلى ساحل الدمـّام ..

[وصل العطياني؟؟؟]

المشاركة الأصلية كتبت بواسطة بـنـدر

بيض الله وجهك


ليت غسان يشوفها

أخاف يقول غير مترابطة وأخذت أسلوب المديح وشحذ الهمم هو والسعيد


يلمون العتيبي يوم يزيد بمدوحه
ما درو أن العز متربع بمتونه

وجهك أبيض...

ههههههههههه وما عليك من غسان ما عنده سالفة بحق وحقيقة ...

ربما عنده شويّة فهم بس ناقص شويّة ضمير ..ّ!!

تحياااااااااااتي

التوقيع

na111na@hotmail.com

[ابو غازي]

بيض الله وجهك يا وصل
على هالجزالة

[وصل العطياني؟؟؟]

المشاركة الأصلية كتبت بواسطة كاسر البرقاوي

بيض الله وجهك ياوصل على هالقصيده العصماء ويعلم الله انك شفيت نص النار اللي بصدري

وجهك أبيض يا كاسر ...

وسلامة صدرك

تحيااااااااااااااااتي

[سعد بن مطلق المقاطي]

المشاركة الأصلية كتبت بواسطة وصل العطياني؟؟؟

السلام علاكم

أسعد الله أوقاتكم بكل خير ...

في الحقيقة لا أحب كتابة المقدّمات لقصائدي ولكن ..!!

بلغ بنا الأمر إلى درجة إن نتعرّض للظلم عياناً بياناً ...

دون مراعاة لمشاعر وعقول كلّ شخص ملمّ بالشعر ...

ولعلّي اختصر كلامي في أن ماتعرّض له الشاعر : يوسف العصيمي

يعتبر ظلماً صريحاً < تصحي منه السماء >

ولكن ليعلم كلّ أولئك أن ذلك لن ينقص من مكانة هذا الشاعر بل يدعو إلى الإلتفاف حوله ..

كما أننا ومن خلال هذا الصرح الشامخ سوف نقدّم كلّ مايثلج صدوركم وهذا أول الغيث :

يا يوسف عداك اللوم يالشاعر المقدام=تجمّلت عز الله وحنا تجملنا
كسبت القلوب اللي لجزل القصيد حيام=ولن روّح المليون عساه ما ثنـّى
دراهم ماغير حطام دنيا وأخسّ حطام = ماتسوى قدم واحد من أطرف قبايلنا
عليّ الملازيم إن رزّاق جاب غلام=رفع رأس ابوه وروسنا يوم مثلنا
وسلام على التحكيم يا لجنة الحكام= فشيلة يا رب تجيرنا لا تفشلنا
عرضتوا ذممكم للمحرّج وللسوّام=تقال إنكم تبغون شيٍ يزعلنا
رضينا بالأولى والرضا سيّد الأحكام=وصبرنا على الظلم العظيم وتحملنا
صبرنا عسا تحيا ظمايركم النيـّام = ولكنها ما عاشت , الله يامنــّا
خبصتوا سوالفكم ولخبطتوا الأرقام=مثل قصّة اللي تخلط الكحل والحنـّا
وبعد إنها زادت عن الحدّ ما نلاّم = عسا الله يهين أرواحنا لن تهاونــّا
لا والله نردّ الصاع صاعين للظلاّم = ونعلن مع المظلوم كامل تضامنــّا
قبيلة بكاملنا نقول الوعد قدّام=ويا جاهلٍ فينا نعلّمك من حنــّا
ترانا عتيبة واسمنا يرعب الأخصام=هل الأولة من يوم كنـّا ولا زلنا
صناديد , ضربتنا تخلّ الجموع أقسام=لو إنّ الجبال رجال تعجز تقابلنا
اجل كيف يوم إنــّـا نحوّل على الاقوام=ما كنــّا سوى عذابٍ الله منزّلنا
كسبنا مراجلنا من الواحد العلاّم= عطانا وتالينا ورثها عن أولنا
وراثة عن الجدّان ماهي حلال أيتام =نبيع العمـار ولا نضيّع مراجلنا
وحتى التـّراب ليا وطيناه بالأقدام = يفحفح بريح الطّيب والهيل والبنـّا
وحنا بحورٍ موجنا يغرق العوّام = وحنا الرعود اللي يزلزل تزلزلنا
حزامٍ لمن خلاّه وقته بدون حزام = ومن ضدّته صكـّات الأيام يزبنــّا
وعلى قمـّة الشعر الجزل نرفع الأعلام=وبنينا لنا حصنٍ حصين وتمكـّـنــّا
من أيام كان الشعر وسيلة الإعلام=شيوخ العرب تشتاق تسمع مثايلنا
مثايل نسخّرها وتخضع للإستسلام=ما تقدر على المنحاش منـّا ولا منــّا
لو إن الشعر حرٍ يرامح بدون خطام=معفــّى يدقّ الرّقص في الروض ويحنــّا
ليا شاف له شاعر عتيبي ؟ برك ما قام = دقيقة فقط تلقاه مخطوم ومثنــّى
ولوّ أجزل الأبيات كفــار بالإسلام = بنظرة وإشارة واحدة قالوا آمنــّا
ولو الأدب والشعر يعطى له إستحكام = أخذناه بالغصبا عن الإنس والجنــّا
ليا صار فرعون إمتلك مصر والأهرام = ترانا على شبه الجزيرة تفرعنــّا
هذا حالنا الحاضر ومن ماضي الأعوام = على العزّ ودروب المعزّة تفنـّـنــّا
ولا غيـّرت فينا الليالي ولا الأيام = مرسـّين بأعلى مرتبة مثلما كـــنّا
تزول الجبال اللي حصاها تقول خيام=وحنا على الامجاد باقين ما زلنا
ولا همنا الاقزام ما ادراك مالأقزام = قطعنا لهم مشعاب من طايل الفنــّا
عصاً كنــّها عجرود حاشي ولاد العام = نحامي قليلين الحلا بالعصا عنــّا !
وحنا رياجيلٍ نعيش ونموت إكرام = وعدواننا ما تأخذ الزايدة منــّا
عتيبة من الطايف إلى ساحل الدمّام=لو إنــّا نعيش أفرع تغطرس يحقّ إنــّا
يموت العتيبي رافع الراس ما ينظام = مانخضع سِوى للي خلقنا وفضّـلنا

تحياااااااااااتي

صح لسانك ياعزيزي قصيده جزله من شاعر جزل
ونامل من المشرفين تثبته
الله يثبتنا على الحق لكم تحيتي

التوقيع

ديــــــــــــــــواني

[النخيـش]

صح لسانك


وأنا اجيز الكصيدة

[وصل العطياني؟؟؟]

المشاركة الأصلية كتبت بواسطة مرزوق الجعيد

صح السانك

وبيض الله وجهك

قصف سريع في محله

لا فظ فوك

ورايتك بيضا

صح بدنك ...

ووجهك ابيض اخوي مرزوق ...


ولا يهمونك مركزين عليهم المدفع



تحيااااااااااااتي

[وصل العطياني؟؟؟]

المشاركة الأصلية كتبت بواسطة فيصل الجازي

صح لسانك وفالك المليون امانتا"
والله ونعم وسبعت انعام ياوصل العطياني
بصراحه يوسف ولد عمنا تعرض لظلم واي ظلم حسبي الله ونعم الوكيل
ياعالم مبيتين النيه من يوم دخل وهذا الدكتور ووجيهم اختلفت بعد القصيده
لو بالمجامله زي غيره درجه ما يستحقها اشهد انهم ظلموه
هم عارفين ان عتيبه مهي مخليته عشان كذا عطوه كذا
تكفون تكفون لا تخلونه
نبغى نوري الحاقدي
ولا تنسون انه برنامج استثماري شاعر المليون الي يبونه بطلعونه
واسف على الاطاله وسامحونا على القصور وسلامتكم

صح بدنك ولا عليك زود اخوي فيصل ...

وكلامك في اللجنة صحيح 100 %

لا هنت يالذيب ...


تحياااااااتي

[وصل العطياني؟؟؟]

المشاركة الأصلية كتبت بواسطة عين العقل

ليا صار فرعون إمتلك مصر والأهرام
ترانا على شبه الجزيرة تفرعنّا


جبار ياوصل ..........

هههههههههه طيب طيب



لا هنت يالذيب ...


تحياااااااتي

[نمر العتيبي]

بيض الله وجهك يالذيب على هالقصيده

[وصل العطياني؟؟؟]

المشاركة الأصلية كتبت بواسطة خالد السيف

ليا صار فرعون إمتلك مصر والأهرام
ترانا على شبه الجزيرة تفرعنّا


وافي ياوصل وافي

وكلامك ماعليه غبار ومايصح الا الصحيح

واللي مو عاجبه يدق راسه بماصوره

ويوسف ماحنا مخلينه وبنوقف معه

صح لسانك ياوصل

ما عليك زود يالغالي ..


لا هنت وبيض الله وجهك ..





تحياااااااااااتي