هل ستقف الحروف عن التعبير ؟

[حفيد تركي]

" رب ضارة نافعه " . فقد كان الظلم الذي وقع عيانن وجهارن على ابننا الشاعر / يوسف العصيمي , له اثر واضح على توحد مواقف ابناء هذه القبيله العريقه الضاربه في جذور التاريخ , تكلم الصغير قبل الكبير وشجبت باقي القبايل الاصيله هذا الموقف الظالم , وبدأت الكتابات تنهال من الاقلام المحايده في كافة المنتديات .
في النهايه اورد لكم هذه القصيده :

أنا اطيب يوم ويوم(ن) اشعر بضيقة بال = هموم(ن) تراودني عسى الله يسويها
ترى ماخلق مخلوق من دون عم وخال = قبايل تطيب احيان واحيان البلا فيها
انا ودي ادري وش سبب قطعت الجوال = يبا المسلمين تروح تمشي برجليها
هذا الفعل مايقواه حرمه ولا رجال = سوالف ولا اعرف صحة اولها وتاليها
ابالي قضية يامحرج ويادلال = قضيه نباها قبل غسان يخفيها
هدفهم ورا يوسف ويوسف وراه ارجال= عتيبه زعلها صعب لاجيت ترضيها
عتيبه اليا زعلت تحرك كما الزلزال = تحاشا غضبها الناس لاحل طاريها
هذا واسمحولي مااعرف امشي على الموال = اجيب النشيد اقوال مانيب اغنيها
ابدلي بدلوي يوم تدلى الدلي بحبال = والاخرى ورا الجمه تواما عراقيها

[الصيرمان]

ياسلام الله الله..
وبيض الله وجهك على هالجزله..

[حفيد تركي]

على فكره ياااخوان القصيده السابقه للشاعر / صقر بن شباب العصيمي . ومن قصائده السابقه :

يابدر ماعينت لي علمـن وكيـدق = ضيتـي مستـور وش سوابهـا
ظني إن نادي دريد يفزع من جديد = ونخلي الموتـى تطـش اثيابهـا
اللجنه الي جوفهـا ملعـون سيـد = يغيـر الحجـه ويقفـل بابـهـا
كلش ولا غسان هـو وياالسعيـد = أوصي وغيري قبل من وصابهـا
يوسف خلقه الله فلاذن من حديـد = ماهتـم بالدنـيـا ولا يعنابـهـا
والله خلقنا احرار ماصرنا عبيـد = لاشانت الديـره نعـاف اترابهـا
وانجالنا راعي قضيه مـن بعيـد = لانعطـي الهزلـه ولا نرضابهـا

[علي المقاطي]

ياسلااااااااااااااااام.......يابو شباب ....مسكتة


ابدلي بدلوي يوم تدلى الدلي بحبال

والاخرى ورا الجمه تواما عراقيها


تسلم ياحفيد تركي واللة لايهينك

لا عدمناااااكم

[حفيد تركي]

صح بدنك ياخوي الصيرمان , شكرا على مرورك اخوي علي .

كلنا ان شاء الله متفائلين بانتصار يوسف .

لااوصيكم شبوا على الجوااااااااااااااااااااااال باقي اقل من يوووووووم .

[ابوفهد العتيبي]

[بيض الله وجهك على هالقصيدة الأكثر من رائعة

والتي تحمل في معانيها أصالة وعراقة الحميه العتيبية

وجزالة اللفظ والمعنى

صح لسان قائلها وسلمت يدين ناقلها

[متعب العصيمي]

هدفهم ورا يوسف ويوسف وراه ارجال
عتيبه زعلها صعب لاجيت ترضيها
عتيبه اليا زعلت تحرك كما الزلزال
تحاشا غضبها الناس لاحل طاريها

.. صح لسانك.. وبيض الله وجهك..
.. موودتي..