الشمالي مطلووووووووب

[علي فلاح العضياني]

البدايه بذكر الله و رد السلام=سنة محمد اللي كلنا نتبعه
يالشمالي ترى بيني وبينك كلام=ودي انك بعد ما جيتنا تسمعه

التوقيع

(( رأس الحكمه مخافة الله ))

[الشمالي الغربي]

نذكر الله بعدها مرحبا واحترام=حسب سنة محمد واخلفاه اربعه
هات علمك واخذ علم الوفا والتمام=كل رجال نسمع ويش علمٍ معه؟

[علي فلاح العضياني]

الشمالي نشوفه مرةٍ كل عام=والنشاما حبال الوصل ما تقطعه
انت محسوب في يوم اللقا والزحام=مار يا سبع لا تبعد عن المسبعه

[الشمالي الغربي]

الشمالي نشب مابين غربٍ وشام=يرضي اسدير مره يرضي المجمعه
اعدل الصف يالفالح وللصف إمام=من بغا الدرب لا بده يدل اسنعه

[علي فلاح العضياني]

يا عزيز الجناب ويا رفيع المقام=المناطق بعضها ما بها مطمعه
ما عطوك الوشاح ولا عطوك الوسام=غير وسط الميادين الثمن تدفعه

[الشمالي الغربي]

انت يالفالح الليله بخشمك عرام=مايطيعك زمانك مار اطعني طعه
الكرم ياوسيع المعرفه للكرام=مايشح الكريم ليا عطا من سعه

[علي فلاح العضياني]

لا تزل الطريق ولا تزل النظام=والعلم لا يطيح الحق علاه ارفعه
لا تخيّب ظنون الطيبين الحشام=كل افادتك هذي ما هي ابمقنعه

[الشمالي الغربي]

لاتشره علي انته عليك الملام=شوف كم ناتج الارقام ثم اجمعه
عقبها تعرف ان النور يجلا الظلام=كم كتبنا وجف الحبر فى المطبعه