الشـــــــــ الغربي ــــــمــــالي

[كبتن عتيبه]

طيب طيب..

الإجابه نصها يايتيك من فهم السوالي=والسؤال اللي بقوله فسرّه والعلم قوده!!
كيف تترك ربعك الغالين وانت اكيد غالي؟؟=والزمان اللي يطش الناس يالله لا تعوده!!

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[كبتن عتيبه]

ابونجر/مرزوق/مقعد/عمر الروقي


بحضوركم اكتمل عقد الذهب أيُّها الغالين

[الشمالي الغربي]

ماغواني ماتقوله من خبر ياهملالي=والجمل شقران ماقيّد ولا حلت قيوده
ربعي الغالين عندي قدرهم في كل حالي=وانت منهم خابر ان البيت عزه من عموده

[الشمالي الغربي]

الشكر والتقدير لجميع المشاركين

[كبتن عتيبه]

طيب..طيب

الجبل مايختلف هبّت صباء ولا عوالي=الجبل يثبت مكانه والبطل يثبت وجوده
لا تكب الشجره اللي تحتها تلقا الضلالي=شجرة الخير اثمرت واصل الثمر من طيب عوده!!

[مرزوق حمدان العتيبي]

...
.

ابداع بكل مايعنيه الابداع..
..
المراح في هالصفحه مافيه كلام ...
طالت يمانيكم يا اهل الجزاله..
..
واصلوا .....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[الشمالي الغربي]

الله الله

جوز من بعض الدعاوي ماوراها راس مالي=تعرف ان المتهم مظلوم لو كثروا شهوده
قصّر الدعوى ترى مالك لزومٍ فى الطوالي=قالها اللي فى اللوازم ما احدٍ ينكر جهوده

[كبتن عتيبه]

الله الله

عد في راس المنيف اللي على الضلعان عالي=لا تحوّل جوف قبراً يسكن الدود بلحوده!!
والله انا مانذمّك من كريمين السبالي=والبخيل يبين بخله والكريم يبين جوده!!

[الشمالي الغربي]

طيب طيب

ما انت داري وش بقالك ما انت داري وش بقالي؟=والزمان اليوم تدري تختلط بيضه وسوده
انت ياكبتن مناحي مثل ابو زيد الهلالي= انت صاحي مير غيرك ياكثر ناسٍ رقوده

[حمد بن جوباح]

.
..


الله الله على الابداع

الشاعرين / الكبتن والشمالي

صحت السنتكم يا الجزلين

وعلى القوه


.
.
.












متابع متابع