الســلام عليكم ..



الشعر وسيلة تعبيـر أو فلسفـة مشاعر أيـّـا كانت فلا أظن تحتاج القصايد إلى مقدمات

فلذا .. نبدى بها لـ أشباع رغبة من يطلب الجديد



بسم الله ..

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=0 line=0 align=center use=sp num="0,black"]

قال شطّب على اللي بيننا كلّـه = ليـن تفقـد محبتنـا معانيهـا




قلت مال الخليل إلا هوى خلّـه = يا اول احلامي العذبه وتاليهـا





الغلا لا نـزل فالقلـب يحتلّـه = والمودّه مهي فـإيدين راعيهـا





كان جاك السؤال اللي معك حلّه = صفحة الحب وش خلاّك تطويها






ارحم اللي همومه منك منصلّـه = ذاق مر الليالي لجـل حاليهـا







آه واقلبي اللي مـا بـرد غلّـه = كل نبضه تنادي بـأسم غاليها






وكل طاري يهز القلـب ويتلّـه = يرمي الفكر لـأيامي وماضيها







وكل ماجاتني من صوبك الزلّه = من غـلاك آتقبّلهـا واعدّيهـا






وكل ماتطلبه ياصلك في حلّـه = حاضر ٍ في مطاليبـك ولبّيهـا






انعش القلب في لاماك واقبلّـه = لين تبرى الجروح اللي يعانيها







لا يجي طاري الفرقى وتشتلّـه = يبعد الله ساعتها .. وطاريهـا









انت مثل الطبيب يداوي العلّـه = علّة القلب ما غيـرك يداويهـا






مدّني بـالمواصل والجفا خلّـه = واعتبرني امانه واحتفـظ فيهـا







والله إن احفظك يشهد عليّ الله = مثل حفظ الكرامه عند راعيهـا[/poem]


اتمنى انها اعجبتكم ..

على لحن .. ( الله يرحم فهد ويعز عبدالله ) ..


كل الود

فيصل القثامي

إضافة رد

صح لسانك اخوي فيصل القثامي




ولاهنت والله يعطيك العافية





لك كل الحب والمودة

إضافة رد

صح لسانك يافيصل القثامي

وكل ماتطلبه ياصلك في حلّه حاضر ٍ في مطاليبك ولبّيها






لاهنت قصيدة جزلة من رجل جزل

تقديري لك

إضافة رد

لاوالله اعجبتنا وشكراا قصيده مافي مثالها
شكرر

إضافة رد

صح السانك يافيصل
قصيده جزله من رجل جزل
تقبل التحيه اخوك سهم العضيان

إضافة رد

فيصل القثامي




صح لسانك

إضافة رد

...
.
صح لسانك يافيصل بصراحه ابداع
واول مره ادري انك شاعر ماشاء الله تبارك الله ..
...
في انتظار رائعه اخرى ..
...

إضافة رد

..
.

مبدع يافيصل هنا وهناك


تخوض مجال الشعر لتعلن احتكارك للابداع


دمت للاثراء

إضافة رد

....

حياااااااكم الله يالربع

ولاهنتو على المرور والكلام الرائع


وابشروا باللي يسركم من تصميم من قصيد

ان شاء الله

القثــامي

إضافة رد

السمي


رائعه بدون اي مجاملة


صح لسانك


وفي انتظار جديدك يالغالي


تقبل تحياتي

إضافة رد