الطوفان مشغو ل والا تخاويني

[ابوسعودالقثامي]

كلٍ على دربي يجر اخطاه=ازريت فالناس الغجاريه
رحت اشتري من واحدٍشلفاه=وجوني يسومون الشريطيه

[الطوفان]

دربك عضي والضلع ماترقاه=خل السنافي للسنافيه
من لاعرف يساراه من يمناه= يعرض على دكتور نفسيه

[ابوسعودالقثامي]

ياصبرابو يوسف على بلواه=ازريت اجامل للعليميه
صحيح قافٍ جاء على عمياه =بيت السنافي للسنافيه

[فهيد مقعد الرويس]

الله الله الله

صح السانك يابوسعود

وصح السانك يابوعبدالرحمن

مبدعين

لكم كل الود

[ابوسعودالقثامي]

المبتدي


حضورك وسام على الصدور يالغالي

[الطوفان]

يابوسعود العلم لاتنساه=قدام لاتصبح هواويه
لاتندفع للسيل في مجراه= السيل مافي السيل ماويه

[ابوسعودالقثامي]

الذيب ماهمه خوار الشاه=قلبه قوي مافيه رحميه
احذرتجي ياصاحبي بحماه=كم واحدٍ هفت به الطيه

[فواز الشيباني]

الله الله الله

صح السانك يابوسعود

وصح السانك ياالطوفان

الله يعطيكم العافيه

[الطوفان]

الذيب لاياكلك في مفلاه=وانت صغير وطحت في يديه
لاجاك عادي وانت في المثناه= اسرع من العفراالضياحيه

[ابوسعودالقثامي]

الشيخ محدٍيقترب مركاه= ألا تلاميذ الخصوصيه
يعطي لهم قدم الحليب ارغاه=حتى توبل ذا الشواويه

تصبح على خير يالطوفان



طوفااااااااااااااااان من الابداع

تحياتي