-- راس حربه --- ارجع دفاع ---

[حمد بن جوباح]

لا خلص الاجتماع الفوز باسمي يذاع=يا اللي تهوش الرجال احسب محاسيبها
تاريخنا ما حفظ يا كود ذكر الشجاع=والروس يا خوفي انته من مذانيبها

[محمدابوشهاب]

ماباقي الا يسمون الثنيه رباع = حتى تصير الوصاه اللي توصيبها
لايرخص السوق خلك دايما فالرفاع = ولاعليك العرب شالت مشاعيبها

[حمد بن جوباح]

لا طالت المشكله ضاقت عليك الوساع=والعين بتشوف لا تعجل على غيبها
انا كبير الشراء والبيع قولي مطاع=لكن شين السلع لالا تجيني بها

[محمدابوشهاب]

مافيك حيله ولابه غير اقول الوداع = غشيم والمشكله يلحق مشاهيبها

اشكرك


ولنا لقاء


لاهنت

[حمد بن جوباح]

..
.
غشيم هاه
زين .. زين
هذي مباراه وديه
بس الوعد على مباراة الكاس
واهم شي الروح الرياضيه العاليه
صح لسانك يا بو راشد شاعر بمعنى الكلمه

تحياتي ..