سميرالليل

[عبدالرحمن بن صقر]

اقم لكم هذه القصيده بقلمي

سمير الليل في كل الاماكن = لكن الليل مايعرف سميره
خيال الحلم حرك حرف ساكن = بصهيل وليل وسيوف شطيره
بقايا الامس قولن ماوراكن = تبعتني وانا بنص المسيره
حروف الضاد هاتن منتهاكن = نبي جملة خبر ونفض سيره
سيوف الحق اصدق من نباكن = يحاكي لسانكن ميت ضميره
سمعنا شجب واستنكار لكن = بقى سيف العروبه في جفيره
تظاهرنا التمسكن للتماكن = واحرقنا الضمير بنار غيره
على نفوسٍ ورى انقاض المساكن =غزاها الموت في عزالظهيره
مدام الامر فعله غير ماكن = كلام بدون فعل يصير عيره
وانا ماني بزوايا الصمت راكن = ورموز الشعر ببيوتي ستيره
حروف المد مايبلغ مداكن =و بحور الشعر مافيها جزيره
وفيها الكون لونه لون داكن = وفى الاجواء زوبعة مثيره
بنات الفكر يسعدلي مساكن = نتاج الفكر لايمكن نعير ه
نبي لالاح برق في سماكن = نشوف دلال ووجيه سفيره
ويهطل من سحاب الوجد ماكن = ويروي قلوب برضاكن جديره

[راعي القوافي]

صح لسانك على ما اوردت هنا يا عبد الرحمن

[عبدالرحمن بن صقر]

صح بدنك اخوي وشكرالك