"فيديو بشع" لحادث تفحيط مروّع أودى بحياة شابين في الرياض

[الرومي]

الله يرحمهم ويخلف على اهلهم .

مافهمت تعليقك ياعبد المجيد ..هل يعني ذلك ان المتوفين عتبان ؟؟

التوقيع

migeed33@hotmail.com

[روق اند برقا]

المشاركة الأصلية كتبت بواسطة الرومي

الله يرحمهم ويخلف على اهلهم .

مافهمت تعليقك ياعبد المجيد ..هل يعني ذلك ان المتوفين عتبان ؟؟

اللي في السياره اربعه

2 عتبان
1 قحطاني
والرابع لم يعرف

2 لقو حتفهم على الفور و2 في العنايه المشدده كما بترت يد احدهم وبترت رجل اخر والله المستعان

الله يرحمهم ويهدي الضال من شبابنا

[مجري الهياب]

لا اله الا الله

يانااااس اعتبروا والله انها عبره لمن اعتبر

الدنيا مافيها خير

الله يرحم الميت ويغفر له ويشفي الحي ويغفر له

والله يحسن الخااااتمه

[صاهود 2]

كارثه

الله يرحمهم

[فهد الزهراني]

اللي اعرفه من كلام موثوق ان المتوفي ولد صغير اسمه وليد الشهراني

وثاني اسمه سعيد الشهراني اظن

ومعهم شايب مدري وش جابه معهم

الله يرحم المتوفين

[فهد الزهراني]

احد الردود المنقولة

انا كنت حآضر يوم الجمعة بالدآئري ..
الكآمري هجت معه من اول نطلة ,,
اللي مآت طالب بالمتوسطة الله يرحمه و يصبر اهله
و الشآيب كان المعآون ( اللي انقطعت يده )
وفيه واحد ثالث اللي هو السوآق ..
طبعا الـ3 طآروا مع الدرآيش ..
الولد مآت على طول ..
و الشآيب قآم يتشهد وبعدها نقلوه للمستشفى ..
بعدها جآ سكرآن معه سلاح موتره ( كروز ) وقآم يرمي على الجمهور ..
و الموكب كله تفررق و انحآش ..

وجآ بعدها حآدث كورولا 2011 بيضآء بس مدري وين بالضبط ..
كآن قآبع بالتريلة الله يكفينا الشرر ..
مآتوا 2 من افراد العآئله ..
الموتر رآآآح فيها والمصآبين نقلوهم بـ ( هيليكوبتر ) عشان الوقت و المسآفة ..



ومضه \ انا اللي سمعته ان رآعي الكآمري كلهم ( شهآرين ) و يقربون لبعض .. واللي مات منهم امس صلوا عليه .. بس السوآق للحين محد درآ وين رآح ..
نآس تقول انه انحاش مع واحد معه ( هايلوكس ) ونآس تقوله لقطه ( سوناتا ) و فجر ..
بس ما ادري ما شفته ..

اللي مآت واحد بوقت الحادث اللي هو الولد فقط .. واتمنى لحد يقعد يقول كلام من عنده لاني انا كنت حآضر ..

منظر الحآدث كان قوي .. والله ما راح انسآه ابد ..
كان من جد مؤثر .. يوم جا السكرآن انا انحشت مع الموكب ..

اقسم بالله من قوة الصدمة بسبب الاشياء اللي صارت اني ما عاد ادل بيتنا
والله ضيعت الطريق ...

الله يكفينا شر الحديد .. ويبعد عنا كل شر ..
والله يرحم من مات و يصبر اهلهم ..
والله يقوم المصآب بالسلآمه ..


معليش على الرد الطويل .. بس حبيت اوضح للاعضاء السآلفة و اعطيهم الوكآد ..
اخوك \
فهد

[فهد الزهراني]

رد اخر

الله يرحمك ياوليد الشهراني وسعيد اما الثالث انا ماعرفه الشايب الي يسوق هاذا الله يرحمه كان على ايام الكامري 2002 ذيك الايام كان يهجول وكان يسوق وبعدها عقل وجلس طوال هاذي المده لا يهجول ولا يفحط ومجرد اول يوم يهجول فيه ويطرد هجوله تهيض وليته ماتهيض وانا ماكتبت الكلام هاذا الا وانا تايب من الهجوله من ايام هتلر وانا احد اخوياه خلاص ياناس والله ماشفنا منها خير كل شوي رايح واحد يلعن ام الهجوله مافيه فله والله الفله الي يجلس عند اهله ومع اخوياه متعافي
اذا بركسات والدب الموجه موجودين يتواصلون معي ابي اسلم عليهم والله يخارج عيال المسلمين



تقبل مروووري ياصاحب الموضوع

[الرومي]

الله يخلف على اهلهم ,بغض النظر عن انتمائهم فالجميع ابناء وطن ..

الا ان المسؤلية تقع على ثلاث جهات

1- المرور يتحمل جزء كبير من المسؤلية وهذا الانفلات الامني العجيب .تفحيط في شارع عام ؟؟؟؟
ماهو دور المرور ؟؟ قسائم فقط, ام نظام ساهر للجباية وزيادة المال العام ؟

2- الاسرة تتحمل مسؤلية تربية الابناء ,واهمالهم وتوجيههم والحزم معهم منذو الصغر .

3- النظام التعليمي ..وخصوص المدرسة لم تعد جهت ظبط وربط بل اصبحت المدارس لدينا وكر لتعليم السلوك الانحرافي والاخلاقي .

البلد يسير في اتجاة خطير ..وهذة الطاقة من قدرات الشباب لم تستثمر في الطريق الصحيح لانعدام الموجة .. الي متى ؟؟؟؟؟؟؟؟؟؟

يجب ان تتدخل الجهات الحكومية لحل مشكلة فراغ الشباب كذلك تطبيق اشد العقوبات على المخالفين بنظم عادلة هدفها معالجة الخطاء .

المخدرات انتشرت انتشار ليس لة سابق والدليل الكميات المهولة التي تعلن عنها وزارة الداخلية كل حين ,هذا دليل ان هناك كميات اكثر تمكنت من العبور لوسط البلد من جهات خارجية لها اهداف عدائية واقتصادية ...
ماهو مفعول هذة المخدرات ؟؟؟؟؟؟؟؟ بالتاكيد مثل هذة الحالات ,وحالات القتل , والى اخرة .
يطول الحديث في هذا الجانب ,لكن يجب معالجة المشكلة قبل ان تصبح كارثة تشمل الجميع .

[الرومي]

المشاركة الأصلية كتبت بواسطة روق اند برقا

اللي في السياره اربعه

2 عتبان
1 قحطاني
والرابع لم يعرف

2 لقو حتفهم على الفور و2 في العنايه المشدده كما بترت يد احدهم وبترت رجل اخر والله المستعان

الله يرحمهم ويهدي الضال من شبابنا

ياخوان تاكدو من الحقائق قبل نشرها ,واتركونا من الدعايات التي تشوة السمعة .

والله ان الحادث مؤلم بكل ماتعنية الكلمة ,,وانا هنا لا الوم الشباب بحكم صغر سنهم والبيئة المنحطة التي عاشو فيها ,,انفلات امني , انفكاك اسري , تدهور اخلاقي .

اذن بعض الشباب مغيبه عقولهم ,والمفترض ان يتم احتوائهم وتوجيههم لطريق الحق والصواب .
لاحول ولاقوة الا بالله .

[عبدالمجيد النفيعي]

تـــوضـــيـــح

أنا يوم أقول طارات العتبان ، ماأقصد اللي بالحادث ، ولكن هذا مصطلح أسمعه مثل مانسمع : شعار العتبان ، صار فيه طارات العتبان ، وكأن هذا التهور فخر للقبيلة الله لايبلانا ، نحن نقدر طاقاتهم وموهبتهم ولكن ماهو بهذا الشكل , المفروض يلقون لهم حل ، وأنا ردي السابق كان موجه للمفحطين بشكل عام ، وخصيت منهم أبناء العمومة .

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا