الفرق بين الناس فرق المبادي...

[مرزوق حمدان العتيبي]

..


بين ايديكم هذه الابيات وامل ان تحوز ولو على اليسير من رضاكم ..
...

الفرق بين الناس فرق المبادي= ماهوب فرق اشكالهم والجرومي
خلقهم اللي للمخاليق هـادي =وفرقهم اللي في عـباده رحومي
كم واحد ٍ لاشفت شكله ريادي = وهو عيوبه مااسترتها الهدومي
وكم واحد ٍلاشفت منْظره عادي =لكن طيبه وصّله للنجومي
اختر قرينك واعتنه باجتهادي= تلقاه لاكثرت عليك الهمومي
رفيقي اللي يلتزم في معادي= وانجا لزومي ما انتحى عن لزومي
رايه ليامني طلبته سدادي = ماهوب خمعٍ (مايعرف اليومومي)
الصاحب الطيب عليه اعتمادي= بعد الذي بامره تســـير الغيومي
ترفع له البيضاءعلى كل بادي=والمدح كفوه بالخصوص وعمومي
شرواه مجلاسه بوسق الشدادي= رجل وسلمه من خيار السلومي
واهل الردى مالي وراهم مرادي = صحبة ردي المعرفه ماتدومي
هذا المجرب والكــلام الوكادي = اموثقينه حافظـــــين العلومي

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[علي الثبيتي]

واهل الردى مالي وراهم مـرادي
صحبة ردي المعرفـه ماتدومـي
هذا المجـرب والكـلام الوكـادي
اموثقينـه حافظيـن العلـومـي



ياسلام يابو منذر صح لساااااااااااااااااانك

التوقيع

ماني بلا روقي ولا برقاوي = انا ثبيتي جد روق وبرقا

[عجاب الدغيلبي]

الله الله

لقد أشبعت ذائقة من يهوى الموروث الشعبي


قصيدة مليئة بالحكم والمواعظ

صح لسانك وبيض الله وجهك

التوقيع

الأطلال تحكي سيرة الحب للعشاق=ماتنسى مادام إن المعالم توضحها ليا شفتها سبحت للواحد الخلاّق=عقود الزمن ماغيرت من ملامحها عجاب الدغيلبي

[فهيد مقعد الرويس]

صح والله لسانك يابومنذر

بدعت وامتعت لله درك

تحيتي وتقديري

[مخلد منصورالثبيتي]

مرزوق لله درك
قصيده رائعه
استمتعت بقرائتها

[مرزوق حمدان العتيبي]

..
.
صح بدنك يابو فهد ... سعيد بهذا التواجد..
...

[عزارم]

صح لسانك يا طيب

[مرزوق حمدان العتيبي]

..

.

تسلم لي يابو سعد وصح بدنك..
.

[سعيد مرزوق العبد]

صح السانك صدقت

[وصل الشهيب]

مرزوق حمدان العتيبي

الفرق بين الناس فرق المبادي= ماهوب فرق اشكالهم والجرومي
خلقهم اللي للمخاليق هـادي =وفرقهم اللي في عـباده رحومي
كم واحد ٍ لاشفت شكله ريادي = وهو عيوبه مااسترتها الهدومي
وكم واحد ٍلاشفت منْظره عادي =لكن طيبه وصّله للنجومي
اختر قرينك واعتنه باجتهادي= تلقاه لاكثرت عليك الهمومي
رفيقي اللي يلتزم في معادي= وانجا لزومي ما انتحى عن لزومي
رايه ليامني طلبته سدادي = ماهوب خمعٍ (مايعرف اليومومي)
الصاحب الطيب عليه اعتمادي= بعد الذي بامره تســـير الغيومي
ترفع له البيضاءعلى كل بادي=والمدح كفوه بالخصوص وعمومي
شرواه مجلاسه بوسق الشدادي= رجل وسلمه من خيار السلومي
واهل الردى مالي وراهم مرادي = صحبة ردي المعرفه ماتدومي
هذا المجرب والكــلام الوكادي = اموثقينه حافظـــــين العلومي

الله عليك

صدقت والله وصح لسانك يامرزوق

قصيده جزله ولاتخلو من الحكمه

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي