قصيدة خالد الذيابي في الشيخ بدر بن زريبه

[محمد الذيابـــي]

هذة القصيدة للشاعر خالد بن فيحان بن برجس الذيابي وقد أسندها للشيخ/ بدر بن جدي بن زريبه

ان كان لي في مجال النقل حظ ونصيب=زانت عجاف الليالي واعتدل ميلها
وان كان مالي نصيب اقفت ولو هي قريب=حتى لو اني برجل شماغي اومي لها
مير الرجا فالعريب ابن الحصان العريب=اللي دروب المراجل مسرج" خيلها
يا بدر مبطي وجرح النفس عيا يطيب=وان لاح برق السحابه مادرج سيلها
حثيت رجلي على الممشا وجرحي عطيب=واليا تعلت مراقيها برد حيلها
والذيب ياراعي الفزعات وسط القليب=الا ان فزعتك شبت لي قناديلها
فيك الرجا وانت فيك الظن دايم يصيب =يامبتديها ومنهيها وحلحيلها
افزع تراني على رجوى مقامك رقيب =خل الليالي تزين ويعتدل ميلها

التوقيع

التوقيع محمد الذيابـــي

[محمد الذيابـــي]

صح لسانكـ ياخالد

والشيخ بدر بن زريبه كفو ويستااااهل,,,

[قـنـاص الـقـوافي]

صح لسانه قايلها كفو في واحد ٍ كفو

ولاهنت يالذيابي على النقل الجميل

تحيتي وتقديري

[محمد الذيابـــي]

مشكور يالغالي,,,,

[عايض جزاء العصيمي]

صح لسانه
والشيخ بدر يستاااااااااااااااااااااهل

والله يعطيك العافيه يامحمد على النقل

[قيس العازمي]

صح لسان شاعرها


وابن زريبه يستاهل



لاهنت على النقل



تحياتي وتقديري

[محمد الذيابـــي]

مشكووووور يالغالي,,,

[الهباع الرووقي]

اخوي محمد لاهنت على النقل

[محمد الذيابـــي]

مشكور يالهباع,,,,