سعود العصيمي=
هـلا يامرحبـا فـي حلـة اهـل العـز والهيبـه=نخص بها الضيوف ومن حضرها اصحاب واجنابي
زيـاد المزرمـي حاضـر بعـد ماطـوّل الغيبـه=نبا ناخـذ علـوم زيـاد وش ودى ووش جابـي
زياد المزرمي=
يدوم الك البقا ياللي تمثّل ربعـك عتيبـه=على الله .. والمعرفه نورها وهاج ماغابي
اضن العلم يا سعود العصيمي معك تدريبه=غزيت الهند والبنجاب ماحصلت بنجابـي
سعود العصيمي=
لقيتك عام الاول معترض في دربك مصيبه = مناطح لك شنب يازياد وانته مالك اشنابي
وانا والله مااذم مطير مار عتيبه عتيبه = لياحمي الوغى لاطلق شنب ماتحسب احسابي
زياد المزرمي=
لجل مانظلم الاجواد واسلـم مـن وبـا الغيبـه=انا ابشرك واثق ما انت قادر تحرق اعصابي !!
ترا بيتك عليـك,, ولا تدقـق بأصـل تركيبـه=تقول القاف شاب ..وقافنا ياسعود مـا شابـي
سعود العصيمي=
على قيسك تعين يازياد حلافك اللي به = يجوز انك تحلف لاتعارض شامخ النابي.
لياساويت معناها وصارت عندك صعيبه = وجيه الخير فيها خير وانا افك الانشابي