قصيدة زبن بن عمير البراق فى مدح شيوخ القبيلة الرباعين

[النفس الطويل]

يقول الشاعر زبن بن عمير البراق فى مدح شيوخ قبيلة عتيبة الرباعين

بديت ذكر الله على كل ماكان = كتَاب رزق العبد فيما ينوبه
والي مهيضَني على بدع الألحان = هرج امَدورت الدواير رموبه
قلته وانا من جيل هالوقت فكران = ابتعجب من زماني عجوبه
وانا كما طير(ن) على روس عسبان = بس ايتحرى وين تذري هبوبه
ولاني مسوي سالفة ظبي رمان = الرزق بالدنيا وانا اعرف دروبه
ياهل الركاب الي لفيتوا مسيان = لاصار قاصركم زهاب وجلوبه
اما ادفعوهن يم قصر ابن فيحان = ولا ادفعوهن يم بدر التجوبه
والمدح كله والثنا لبو سلطان = مسلط يا أهل ضيم اليال التووبه
ولا ادفعوهنه على طير حوران = ان حل بالاسعار قحط و شبوبه
عند أبوا ماجد اقضيوهن بالارسان = هداج تيما الي نحا الهجن صوبه
تخيرو في نسل مسلط وسلطان = يأهل النضا مابه عليكم معوبه
ماكر حرار كلهم فرض رحمان = تبعه يقنص من عنوا وصقروبه
تواجهون صحون رز وخرفان = و تبجحوا عقب الجفا بالمثوبه
وليا سرحتم فوق سلسات الا قران = ماصار يامال الربيع اهرجوبه
هذي سوات شيوخنا كل ماشان = وجه الزمان ولاذ در الحلوبه
و ذا طبعهم من قبل عصر ابن بدران = سلم ٍ على جدانهم و لعوبه
ماعندهم في وقتهم شاين او زان = ماجو د و من شق مال عبثوبه
يوم ان خطو اللاش يسمن مع الضان = يخضَر ويابس مع يباس الدعوبه
ماجمعوا مال لوارث وديان = من مات مات ومن بقى سد نوبه
الا ومع هذا لك الله لهم شان = اليا زبنهم مجرم ٍ اعنزوبه
لوكان هو من حبل الادراك بلشان = نَزل حبال الحمل و اهم اشتقوبه
واليوم نرعى في ذرا حكم السلطان = حكم السعود الي بنوه وحموبه
فزنابعزوجالناعندهم شان = والعلم الاول مانسينا دروبه
ونجا نهار في سوقات الاضعان = مو لمين لمن بغنا وجوبه
و الخيل قرَح و ابيض الخد ميدان = وكل(ن) يمد ايديه قدر محسوبه
ياناشد عنا بالا فعال ثبتان = جد ٍ يعرفونه جميع العروبه
ماحدرت جده لنجد ٍ لصمان = ثابت اليا زعزع جميع اعتزوبه
في ضف ابو ماجد بني عم وخوان = و راي ٍ يقوم من الامير اقتدوبه
ماقال ذا روقي وهذا ابن شيبان = يضفي على عوراتنهم ردن ثوبه
هو بيتنا المبني وحنا لها اركان = حنا ذراه الي يقطب جنوبه
ظل لنا عن لاهب القيظ هولان = من اونسو اولب السموم التجوبه
مقَدم عتيبه تتبعه سر واعلان = هيلا تهايل غالبه ومغلوبه
يرعون نبت الوسم من حيث مازان = ومنين ما طاح الربيع انزلوبه
ولهم بنجد الي اصرم العود مقطان = على القسا والين مارخصوبه
و لانزلوبه بالعواني والاثمان = قد نزحو عنه الشمال وجنوبه
بمصقلات السيوف بيدين غلمان = وشلف على قباولوف محسوبه
فرسان عتبانٍ على شهب راكان = تمحى اليدين ودثرهن مامحوبه
يتلون شيخ(ن) فعل يمناه قد بان = ساس(ن) على مغراس ماسترفدوبه
مقدم ثمانيين الف بسنان وعنان = واسمه مقاديم الحرابه حكوبه
شيخ ن اليا من العدوا بالردى بان = نبب على الهيلا جميع وبدوبه
واليا نواله واحد ٍ بات سهران = من ولبهم حَسب دقايق ذنوبه
كونه تصابيح وسنا الصبح ما بان = يرثع بغرات العدى ماهقوبه
رثعت عقابٍ لابرق الريش شفقان = غاد(ن) على جول الحباري عقوبه
اليا صَفق ذولا بذولاك حدمان = كم واحد(ن) بنحورهم طوَحوبه
وغدا لها مع طلعت الشمس دندان = غاد(ن) لطقطاق المخابيط شوبه
مثل البردَ ينهل من غر الامزان = محتقها ماهيب عنه محجوبه
على النقا ماهم بالبوق سرقان = ولا قط قيل ان العميل خثعوبه
خيال قباًتصفح الراس طربان = لاقال كده يأهل الخيل نوبه
تعاقبت خيل(ن)بخد ٍ سمهدان = ترمي مثل حذف البرد من نصوبه
كم واحد(ن) خلي عشى الذيب سرحان = وقامت عليه البيض تشلح جيوبه
يما قطع من عزبتن تغني الاضمان = اليا كرز عنها العقيد مهيوبه
و خلى عمد بناية البيت شتان = و راحت عدايلهم لقومه جلوبه
واغنا فقارا واصبح الضد فقران = واركا على كبد العدو الشبوبه
تشكي مضارب العدى غب الاكوان = على مشب ضويهم سولفوبه
جعلي ماقوله من عدم واف الافنان = قولو لي آمين اجملوا يالعصوبه
ياشيخنا مالك حلي (ن) بالاوطان = والله ماتوجد وصايفك نوبه
ماهو ب قول الشمري فابن شعلان = مايستوي للبيض غيرك ضروبه
صخا وطيب وحافض(ن) خمس الاركان = وشعاد يلقون العرب من عيوبه
و صلات ربي عد ماهل ودان = على نبي للعباد اهتدوبه

[فهد العازمي العتيبي]

..


صح لسانه الشاعر الكبير / زبن بن عمير البراق

ويستاهلون شيوخنا سلايل محصن الرباعين كريمين السبال أجزل المدح وأكمله ،،،

التوقيع

للتواصل على تويتر https://twitter.com/falotaibi5115 ،،

[مشاري الحبردي]

صح لسان البراق ..... ويستاهلون ترثة محصن مقاديم الهيلا في الليال المعاسير

وسلمت ولا ندمت

[محمد الذيابـــي]

,,


صح لسان الشاعر الكبير زبن بن عمير


يستاهلون ذخر محصن


,,,,,

التوقيع

التوقيع محمد الذيابـــي

[سلمان المرشدي]

ماقـال ذا روقـي وهـذا ابـن شيبـان * يضفـي علـى عوراتنهـم ردن ثوبـه
هو بيتنـا المبنـي وحنـا لهـا اركـان * حنـا ذراه الــي يقـطـب جنـوبـه
ظل لنـا عـن لاهـب القيـظ هـولان * من اونسـو اولـب السمـوم التجوبـه
مقَـدم عتيبـه تتبعـه سـر واعــلان * هـيـلا تهـايـل غالـبـه ومغلـوبـه


الله يرحم البرااااااااااق والرباااااعين كفو قول وفعل مقدم الهيلا

رحم الله ميتهم وطول بعمر حيهم شيوخنا الوافين

[نجم شامي]

طار الكراء عن موق عيني وهندبت=وقضبت طاروق القصيد وصلبته
وسميت باسم الي على العرش اله ثبت=الي على سبع السماوات ثبته
الواحد الي له رجيت وتطلبت=يفرج لمن سود الليالي نكبته
ياذيب يالي فالمحاجي توثبت=الله من صوتن رفيعن قنبته
وياما مع اصوات الحمايم تجاوبت=وراسك لصكات البلاوي عصبته
وياما لغارات الغداري توهبت=وهجرست مع سرحان الاخر وجبته
وياما جذبت من الطويله وذنبت=وياما صفى الصافي وياما شربته
وياما لربعك فالدعاوي تنصبت=وليا ارتخا حبل المعاند كربته
واليا نويت مصادم القوم ماهبت=حتى البحر غطست فيه وركبته
وقضبت عرقوب المضلع وزهبت=وصيد الخلا من كثر رميك رعبته
وصلحت في بعض الدعوي وخربت=واليوم حبل ارشاك عنها قصبته
واخذت مع درب السراه وتعرقبت=تبا بعض شين عقبك وعقبته
ومن مزهب الشيخ البخاري تزهبت=ومسحت ديس ام العبر واحتلبته
وانا ماقول انك على نفسك اذنبت=ولاقول رسنت القعود وشعبته
وانا مملك ياصحيبي ومانجبت=يفداك لو العقل مني سلبته
والحق الك يابو سعود ان تغضبت=الان حق النفس عني شطبته
اراه عفون منك ولعفوك ارقبت=واذهبت مافي خافقي لين اذبته
ومن كثر ماتشكي ذهبت وتذلهبت=واخطيت دربي ياصحيبي واصبته
وليا سمعت لصوت مقبل تكهربت=ولجلج حشى قلبي وطقت عصبته
ياما علي اندب وانا يمه اندبت=يسرح ويمرح لين دخلت خشبته
وانا ليامرحت يمه تعايبت=والشين ماعنه الاوادم نسبته
مذهب وينخاني وانا عنه ماغبت=ولوقال هات الطير قمت وقضبته
ارسلت رجليه مع البر واركبت=جيشن على خشم الرويكب اهدبته
وعن سارحات اليوم الاول نتوبت=وبجت الفجوج وكل فجن قلبته
ولقيت حضه عقب مادخت واذهبت=نفسي وراس النضو عوجن رقبته
في عش طيرن في حجا الضلع ابو جبت=الي على جيبوت ترقب ارجبته
ومع دولته بايات ربي تخطبت=وقلت ارسلوه الصبح والا نهبته
انا اشهد اني يوم دورت ماخبت=بكره يجيك ولا تعدى اعتبته
تمت بذكر الي على العرش اله ثبت=الي حما بيته وطهر كعبته

[نجم شامي]

هذه القصيد لشاعر عبدالله بن علي السيحاني وضعتها هنا بطيق الخطا
ارجو من المشرفين حذفها