ضيف الله العالي - بسم الله الرحمن

[ضيف الله العالي]

السلام عليكم ورحمة الله وبركآته

بسم الله الرحمن ببدا كلامي=وأقول شي"ن" في ضميري من العام
برتبه وأمشي بحسب النظامي =مدام انا فالشعر لي بصمة إبهام
ألف"ن" أولف من جزيل الكلامي =ثمّ ارتفع به فوق رفّات الاعلام
والباء بنام ولا يجيني منامي =من حظي اللي نايم"ن" طول الايام
والتاء تعبت من الضرم والعسامي = يادلة "ن" فيها السعاده بالاوهـام
والثاء ثلاث سنين قصة غرامي =بين الذنوب وبين تكفير الآثام
والجيم جبت العيد قبل الصيامي =عيد ا لفراق اللي من الهم ماصام
والحاء حظي مايقدر مقامي =وليا نخيته ماسمعني ولا قام
والخاء خلاص الطير ماعاد حامي =طير السعد في ماكره صار منظام
والدال دمع العين عرا عظامي= من لحم جسمي صاير كلي عظام
والذال ذنبي واصلن للغمامي= بلاني اللي يأمر بقطع الأرحام
والرا روى غيري وانا مت ضامي =ماذقت حلو الماء لو انه بالاحلام
والزا زعيم همومي اكبر حرامي=يسرق لذيذ النوم أسهر ولانام
والسين سقت الرجل وقت الظلامي = بديار مافيها دروبن للأقدام
والشين شابت ضحكتي بالفطامي = أجامل ببسمه وانا حزني اكوام
والصاد صار الوقت ضدي محامي =والجور ظالمني ويصدر بالاحكام
والضاد ضاقت بي فجوجن ظوامي=باب السعه مقفول باقفال ولحام
والطا طويت الجرهديّه جهامي = وجيت البحر والموج للموج لطام
والظا ظروفي مثل سهمٍ ورامي =وانا الضحيه والوعد صار قدام
والعين عفت الما وعفت الطعامي=أجوع من همي على كثر الانعام
والغين غافل لين جاني ملامي= والحين اداري كل شامت ولوّام
والفاء فقدتك بإكتراب الحزامي=ياللي من اول خابرك درع وحزام
والقاف قاري دروس في كل عامي =ولا ارتفع صفحه ولا جفت اقلام
والكاف كل مامسيت مدري علامي = ياعقرب الساعه تباطيت الارقام
واللام لو الحزن عضة إبهامي= مآكآن صار الشعر لوحه ورسام
والميم ما تشهد يابدر التمامي =اني نديمك بالسهر كل الاعوام
والنون نحت وناح ورق الحمامي=والحزن له صوت" على طول رنام
والهاء هرجت ولا تحقق مرامي=ضايع كلامي بين بايع وسوام
والواو والله ماتثير إهتمامي =الهرجه أللي بين لاش" ونمام
والياء ياخلاّق احسن ختامي=في جنة الفردوس يارب الانام
وختامها مني صلاة وسلامي =على نبي الله في دين الإسلام

[محمد الذيابـــي]

,’

صح لسانك يالغالي ضيف الله العالي

,’

التوقيع

التوقيع محمد الذيابـــي

[قـنـاص الـقـوافي]

ياسلام عليك ياضيف الله
صح لسانك لاهنت
شاعر جزل

[متعب الند]

صح السانك يالعالي ...................... قصيده جزله والها معنا وتفبل التحيه

[سعد المسـعودي]

الرائع : ضيف الله العالي
مبدع بكل المقاييس
فألف صح لسانك
ولاهان رأسك ياجزل

أحترامي

التوقيع

[فهد العازمي العتيبي]

..


صح لسانك يا ضيف الله

ابدعت يعطيك العافيه ،،،

التوقيع

للتواصل على تويتر https://twitter.com/falotaibi5115 ،،

[فيصل المسند]

صح لسانك يا ضيف الله قصيده جزله تدل على شاعر جزل الله يوفقك والى الامام


انت من اي العوالي

[ذعير العالي]

ضيف الله صح السااااااااااااانك وبيض الله وجهك قصيده جزله من شاعر جزل وهنيك عليها

[ضيف الله العالي]

محمد الذيابي صح بدنك وتشرفت بمرورك ،

شكراً لك

[ضيف الله العالي]

قناص / صح بدنك ولا شنت

وشكراً لمرورك العذب ،،

مودتي