بسم الله الرحمن الرحيم
وقفه مع الشاعره الراحله
بخيته بنت عايض آل عذبه المري
المعروفه بإسم بخوت
توفيت سنة 1995م
رحمها الله وأسكنها فسيح جناته.
كتبت بخوت الشعر وهي في سن مبكرة في الثامنة
من عمرها تقريباً
ولقد تطرقت لجميع اغراض الشعر النبطي من مدح
وغزل ووصف ورثاء ومحاورة.
إليكم مقتطفات من قصائدها:
ليته يناديني وانـا بـس اناديـه= واجاوبه ياحسين ولو كان مـره
عليه قلبـي يابسـات عراويـه =أقفابقلبي من ضلوعـي يجـره
ذالي ليال قاعده فـي حراويـه= ليننهـا زادت علـى المضـره
قمت اتوجد وجد من مات غاليه= قبره اقبالـه كـل يـوم يمـره
أو وجد من خاواه والليل ممسيه =ينخا ولا حد من هل الهجن مره
خلي طريح والضواري اتحاضيه =بالمقطعه وامقابله ضلـع حـره
على الذي ماشفت حي ايحاليـه= شيخ على القوم المعادين شـره
ومن أجمل ماقالت:
جيت المنازل خاليه ما بها اونـاس =من عام الأول ارضها ما وطي به
ولقيت مرح أهل المـروات دراس= علمه بهم يا بو مطر علمـي ابـه
مريتهـا يـوم المعاليـق يـبـاس =ونزلتهـا يـوم الضمايـر عشيبـه
وأونس بصدري واهج الحر حماس =احسب من فارق هله لي يجي بـه
واقفيت كن ابسرت القلب مـراس= واقنب كما يقنب من الجوع ذيبـه
واعول كما تعول على البو عرماس= ومن لامني جعل حوالـه عطيبـه
باللي يفكون الطلب عقب الادماس =ربعي مصخرت العدو بالغصيبـه
اليا منهم ركبوا على سرج الافراس= وتحيزموا من فـوق قـب عريبـه
اليا اعتزوا ببعير عالـي السـاس= خلوا على جمع المعـادي حطيبـه
ذكر الموده للعرب ما بهـا بـاس= لكنهـا علـى المولـع مصيـبـه
حب الرفاقه شيب القلب والـراس =وبـاق المـوده لـه بديـل قريبـه
باقي العرب تلقا بديله مـع النـاس =واخوك لو درت البدل مـا لقيبـه
ولها ايضاً في الحكمه
تل قلبي تل طيرٍ على الجول مهـدود= يطرد المقفي وطرد المقافـي كايـده
مهبلك ياللي تبي الوقت الأول لك يعود= من يرده كود محيي العظـام البايـده
ومن نوادرقصائدها
جعل وبل الغيث يسقي ديار المفرعين= منزل اللي كن حديثة حليـب معدّيـة
ضيقيتي في خاصري دايم ماهوب زين= قومي اللي سم حالـي وبيـح سدّيـة
ان سجنته قام يتبـع دروب الدالهيـن =وان نشدته قـال انـا علتـي متعدّيـة
ان بغى خلي جنابي فلا غيره ضنيـن= وان بغى يقفي فيقفي مـراح مودّيـة
وقالت في الحزن
انا دمع عينـي بالدقايـق وبالساعـات =ولا هي على فرقـا المحبيـن مستـره
هواجيس قلبي كل ما أقول راحت جات= تعود علي باليوم خمسـة عشـر مـره
وقالت كذلك في وصف ناقتها التي كانت تسميها (ذروة)
كن ذيل ذروة راس بنت على زيان =يازين شوفه في العراقيب يجتالـي
يازين شوف حوارها بـارك ريـان =في حرف روض والمضاهير نزالي
وقالت في الفراق
ياجماعة وإن عزمتوا على أنكم راحلين= غمغموني عـن مظاهيركـم لاشوفهـا
كن في قلبي لهب نـار ربـع(ن) نازليـن= اشعلوهـا بالخـلا والهبـوب تلوفهـا
ول عودٍ لاش رحمه ولا قلـبٍ يليـن= عسى ذودك في نحر قومٍ وانت تشوفها
عيدوا بي في الخلا والفريق معيديـن =كل عذرا نقشت بالخضـاب كفوفهـا
مايقرب دارهم كود صنـع الذاهبيـن= كود حمرا عزمها من صفـاة بلوفهـا
كن حنين الويل يشبه لخلفات القطيـن= لينوا له بالقدم مـع طمـان اجروفهـا
كما لها بالتوجد على حياة البر والباديه:
وجودي على بيت الشعر عقب بيت الطين =وجودي على شـوف المغاتيـر منثـره
وجودي على خوة هل الموتـر المقفيـن= وجودي على شوف السهل من ورا الحره
ليا حلوا البدوان وصـاروا علـى بيتيـن= ومن كـان لـه خـل مـع ذاك ماغـره
وقالت تعترف بأن هناك شاعر من شعراء عصرها كان اشعر منهاوهو
الشاعر ( بن سهل)
كل الشعاعير في وادي وانا على الدرب سديته =ياكود هو بن سهل هادي دخل مع الباب ما ريته
وقالت رداً على من علَّق على جراءتها الشعريه
العب المنكوس وارفع بصوتي ما علي= من هل المنقود واهل العلـوم الهينـه
ذا نهارٍ من ابرك ايام ربي يـا علـي= فيـه عيّنـا هملنـا وشفنـا البيـنـه
بنت منهو يذبح الشاة من فوق الطلـي =ذبحة المردم من ابله عليـه اهوينـه
ودمتم بود
أتمنى أن تنال على إستحسانكم
« آخـــر الـــمـــشـــاركــــات »
23-Aug-2011, 09:04 AM
وقفات مع الشاعرة بخوت المريه
العرض العادي
