يامرحبـا ياغاليـن شـوف زولـه=شوف السعد والخير في طيب الفال
يامرحبـا ياللـي عليـنـا قبـولـه=مثل الحيا لاقبل على الارض همـال
زعيـم دولـه لا ولاكـل دولــه=دوله لها في رايـة العـز منـزال
ملك وكـل الشعـب يلتـف حولـه= مثل الابو والشعب كله لـه اعيـال
لا مايفـرق بيـن ذولـه وذولــه =والشايـب يناديـه ياعـم يـاخـال
يمسح دموع اللـي همومـه تغولـه= وبيدينـه الثنتيـن يقتـص الاقفـال
همه رضـى رب الخلايـق ينولـه =وخدمة حجيج الله على الحل والحال
خادم حرم مكـه ومسجـد رسولـه =اكبر شرف عنده ومنطـوق ينقـال
ويشهد على ماقلت انـا لـه فعولـه= والارض تشهد في مشاريع واعمال
ماهـو كلامـن بالمجالـس نقولـه= هـذي حقيقـه والحقايـق بالافعـال
واخذ له بنفسه مـع النـاس جولـه =وسط البيوت اللي من الفقر تنهـال
عبدالله الي وان بـدت لـك فعولـه =في عهدة الميمـون بالمـدح تحتـال
صرف على البنيه وكـب السيولـه =ونبتت مدن طالت على روس الاقذال
لين الرضى خيـل علينـا سدولـه= وتبين المحصول مـن زرع الامـال
صارت صحاري مملكتنـا خجولـه =من كثر ماجاها من الخيـر والمـال
وتشوفهـا مثـل المهـاة الجفولـه= اللي بريضان الرخاء راسهـا طـال
ولاعـاد بالممشـى يبيلـك ادلولـه= كثر المعالـم خلـت العيـن تهتـال
حياك ياراس الفخر حـي الرجولـه =في ديرتك وصدور شعبك لك احلال
| التوقيع |
جعل من لامني في حب بيض الخدودي
ماتفارق عيونه من حياته شقاها
الهوى عارفينه من زمان الجدودي
واجمل العشق بنت طاغيه في حلاها
zaeem2222@hotmail.com |
آخر تعديل مناحي الفرزه يوم 24-Feb-2011 في 10:33 AM.
« آخـــر الـــمـــشـــاركــــات »
24-Feb-2011, 10:30 AM
سلامة الشعب بسلامة وصوله
العرض العادي
