زائر ليل

[فواز منيع الله الثبيتي]

في توال الليل...مدري عقب مافج الصباح=الله اعلم...في ظلام ..وساعتي متوقفة
زارني ضيف(ن)ليا زار المعزب فالمراح=لا يبا دعوة دخول ولا يبا زود كلفة
قال عندي علم خافي قلت سرك مايباح=دام سرك في ضميري مابن امه يكشفه
قال مخلوق(ن)توده شد عن داره وراح=والمكان اللي نزل به والله اني ما اعرفه
ون قلبي ونة اللي صابته علط الرماح=من يمين الفارس اللي لا رمى صاب هدفه
استباح الضيف مخزون السراير لين ساح=دمع عين(ن)في لذيذ النوم قامت تذرفه
لي ثلاث سنين سالي واحسب القلب استراح=واثر قلبي صعب دورات الليالي تخلفه
المواصل صعب والفرقا هي السم الذحاح=والرحيل يمص دم المهتوي وينشفه
قمت من نومي سريع بكل مابي من جراح=قلت اواجه صاحبي نص المسافة واواقفه
وارتجيه بدمع عيني قبل تجريد السلاح=يمكن انه لو يرى دمعي يغير موقفه
واحمد الله زال هم القلب وازداد انشراح=عقب ماشفت البلد بانوار خلي مشرفة
اثر ضيف(ن)زارني يهوى التسلي والمزاح=مار يا شين المزوح اللي على هاذ الصفة

وسلامتكم يالنشاما

[علي الثبيتي]

الله الله

صح لسااااانك

رائعه يافواز وتستاهل خمس نجوم

التوقيع

ماني بلا روقي ولا برقاوي = انا ثبيتي جد روق وبرقا

[فواز منيع الله الثبيتي]

الرائع مرورك يا علي


صح الله بدنك والله يعطيك العافية



شكرا لك على اطراءك الجميل

[عيضه الثبيتي]

صح لسانك


يافواز



رائع


ولا تحرمنا



من جديدك

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[فايز بن سرحان الثبيتي]

قال مخلوق(ن)توده شـد عـن داره وراح
والمكان اللي نزل به والله اني ما اعرفـه
ون قلبي ونة اللي صابته علـط الرمـاح
من يمين الفارس اللي لا رمى صاب هدفه



سمو الكلمه واضح و جلي "

والتجربه الشعريه ناضجه يطيب لنا ان ننعم بثمارها "


صح لسانك يافواز ومرحبا بك وبما تقدم من شعر اصيل "


في انتظار كل ماتقدم "

[حاكم الغنامي]

تماسك قووووي

وقصيده جزله من راس جزل


لاهنت يافواز



وننتظر الجديد بكل شوق

التوقيع

سبحــــان الله وبحمدهـ hakem81@live.com

[وصل الشهيب]

الأخ الشاعر

فواز منيع الله الثبيتي

أثر ضيف ن زارني يهوى التسلي والمزاح=مار ياشين المزوح اللي على هذا الصفه

هذا مرسول من الحبيب يبي يروعك ويشوف مدى حبك

صح لسانك

رائع

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[الصويت الثبيتي العتيبي]

صح لسانك

رائع يا فواز

تحياتي

[كعام]

صح لسانك لاهنت

[فهد الشهيب الثبيتي]

طيب يابن منيع الله طيب

صح لسانك والحقيقة تواجد شاعر بهامتك يعتبر مكسب للمنتدى ولجميع متذوقين الشعر

تقبل مرروي

التوقيع

برقا وروق أبنا ثبيت الاصيلين=ومن ثبت اصله شرفه واعتزابه