أثر المحبه بكى .. وقلوب مسلوبه ..!!

[عايض بن زوير]

مسااكم / صبحكم شعر ..



/




للتواصل مع الهيلا





//





\




//

الدّمعه اللي ( على الجالين ) مسكوبه =بذت خفايه / ولا أدري وش سبايبهاا !
نوبٍ تحدر / وأجي من دونهاا نوبه=مار أحرجتني وأنا ما آمن عواقبها !
وآآ حظه اللي سترها في " طرف ثوبه "=محدٍ درابه لو إن الموق جايبها !
أضحك وأجامل رياا .. والنار مشبوبه= واليا طرقهاا الهوى ولع مشاهبها !
كن الحنايا وطن و ( شعوب منكوبه !! )=وهم المفارق ( حكوماتٍ ) تجاذبها !
عز الله إنه بكى الرجال لـ / ذنوبه= أهون / ولا تبكي دموعه ذهايبها !
الذنب تغسل حماده " مزنة التوبه "=ولا الليالي ياا كيف يعود غايبها !
يالعين هلي رضا // وإن كان مغصوبه=دام المدامع تبلل كبد صااحبها !
الشااعر اللي قفى هجينيه مسحوبه=دق النقايد .. ولا قبل مناكبها !
وش حيلة اللي فقد فالوقت رعبوبه ..؟! =غير الركايب ورا لاماه يتعبها !
واما كتب له : ( لقاا المحبوب محبوبه )=ولا يعود مخاسيره يحسبها !
وآآ كبدي اللي من الأياام مشذوبه= ( لا هي سليمه ) ( ولا بانت مشاذبها ) !
سبة غريرٍ يتل الروح باسلوبه=وإلياا منعته يقول إنه : يلاعبها !
روح الهواوي غدت في ايديه لعبوبه=اما يشرق بهاا .. ولا يغربها !
غروٍ مزجهاا ( وصايف زين ) ( واعذوبه )=كن الحناياا على كيفه يرتبها !
لو هو يسولف بنات الرفع منصوبه=كل المسامع على ما راد يجذبها !
غاب وتركني سجين الوقت وكروبه=" طبع الليالي غريباتٍ مذاهبها " !
أثر المحبه بكى // وقلوب مسلوبه .!1=والرابح اللي تلوى به نشايبها !
يالعين هيدي عن المذراف / ياا دوبه=حس الذيابه تعلاّ في مراقبها !
ولياا تعاوت ذياب الدار / محسوبه !! =بسج رجلي على المرقب وأجاوبها !
وكانه وصلني مع النسناس مكتوبه=لأهل المناصب تركّي ياا مناصبها !
وإن قيل : ( ناقة زمان البين ) مجلوبه=ياا خيرة الله من الناقه وجالبها !

آخر تعديل عايض بن زوير يوم 05-Oct-2010 في 01:38 AM.

[مرزوق حمدان العتيبي]

..

ولـيــاا تـعــاوت ذيـــاب الـــدار / مـحـسـوبـه !!
بــســج رجــلــي عــلـــى الـمــرقــب وأجـاوبــهــا !
وكــانـــه وصـلــنــي مـــــع الـنـسـنــاس مـكـتـوبــه
لأهــــل الـمـنـاصـب تــركّـــي يـــــاا مـنـاصـبـهـا !
وإن قـيـل : ( نـاقـة زمـــان الـبـيـن ) مجـلـوبـه
يــــــاا خـــيـــرة الله مــــــن الــنــاقــه وجـالــبــهــا


هلا والله وغلا ياعايض
جزاله غير مستغربه سعداء بعودتكــ

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[نوآف الغنامي]

يا سلآم عليييك يا عاااايض


صح والله لساااانكــــ مليوووون ولآ يسدوووون


مبدع والله لآ يضركــــ




تقبل اعجااابي
و تقبل تواجدي الدائم في صفحاتك ..

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[سـعـد الـعـازمـي]

صح لسانك وتقبل مروري

[حفيد الصحابه]

صح لسانك يا عايض على ها الجزله

وأبيض و جه ..

[علي خيران العتيبي]

صح الله لسانك يا عايض

و لكن اباعاتبك على قلة تواجدك

نتمنى انك تمدنا بالجزاله بشكل دايم و انت ما تجيب الا الجزل

و هذا طلب يا مبدع انك تعطينا قصايدك اول باول

و صح لسانك للمره الثانيه و للمره المليون يا مبدع

و لا هنت

[فهد الشهيب الثبيتي]

مبدع ياعايض لله درك

صح لسانك مدد بلا عدد

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[راع العبيه]

ياعايض بيض الله وجهك على القصيدة عزالله انها اطربتني الله يعطيك الف عافية

[محمد النخيش]

عايض بن زوير

اسلوب فريد من نوعه

وقصيده شامخه الله لايلجم لك لسان

عزالله انك تكتب الابداع وبس

خالص الود والتقدير

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[محمد العتيبي]

يامرحبا ياعايض ..



ابداااع وتميز



صح الله لساااانك يالغالي ..



تحيتي لك
..

التوقيع

للتواصل عبر twitter تويتر al_bargawy@