قصيدة للشاعر خالد بن عقاب الكسر المرشدي العتيبي

[عبدالله الدغيلبي]

الله يا برق ٍ سمر حال دونه= ناس ٍ حدوني عن حراويه لا أنصاه

يا مل عين ٍ كن يلعب ب نونه= راموس لاح ب داخل الجفن و أعماه

أمس الضحى لي ماقف ٍ تعلمونه =حار القدم في ماقفي ما أتعدّاه

أخيل برّاق ٍ تلاعج إمزونه = يا ليت من يقطع ظما الكبد من ماه

هاضني ورع ٍ ضواحك إسنونه= درّ ٍ و ياقوت ٍ تضمّه شفاياه

تكفون يا أهل الورع لا تنهرونه = خلّوه ياقف لين يكمل مراعاه

أنا هواي إصغيّر ٍ ما يجونه = ورع ٍ عذاب اللي براسه مماراه

الف صباح الخير قزّت إعيونه = و الف صباح الخير مفلّجات ٍ ثناياه

والف صباح الخير صفّة إقرونه = و الف صباح الخير وصفه و حلياه

زملوق عشب ٍ ناعمات ٍ غصونه = من وقع سيله ما وطت به رعاياه

[احمد منير الواصل]

تسلم والله ياعبد الله
وصح لسان خالي خالد الكسر وقصيده جميله

[محمد العتيبي]

الله الله


صح لسااان خالد بن عقاااب الكسر ..



شاعر مصيبه ..



ومن المفترض وضع القصيده في قسم شعراء عتيبه ..


تحيتي
..

التوقيع

للتواصل عبر twitter تويتر al_bargawy@