هلا يا مرحبا بالخنذفي لو كان ما يمديه // عزيز لاهنت

[رعد الروقي]

مساء الخير يا عزيز العبدلي


واستلم لاهنت

يا عزيز اقرب ودوك العلم من راسي=علم ً على ساس ما جبتــــه بلا ساسي
مبداه عزي لكم واتلاه لا باسي=ياللي تجيبونها لازم تودونها

هلا يا مرحبا بالخنذفي لو كان ما يمديه=يلملم في جراحه ويتحدى وقته القاسي
حلاله راح مرواح القطا واللي تبقى فيه=مطيه ما عليها مير ما شفنا لها راسي

[عزيّز العبدلي]

طيب طيب


دقايق يالعمده كانك تبينا على هالطاروق

آخر تعديل عزيّز العبدلي يوم 13-Sep-2010 في 05:52 AM.

[رعد الروقي]

ما دريت عن ردك هناك يا عزيز

وفي كل الاحوال تشرررفني

[متعب المقاطي العتيبي]

متابعين الابداع

[رعد الروقي]

المشاركة الأصلية كتبت بواسطة نداوي

متابعين الابداع

هلا ومرحباااااااا



شرفتنااااااااا

[عزيّز العبدلي]

الشرف لي يالغالي

ان كان من فرحة المشتاق فرحاني = عينت لك من خيار القوم قوماني
حيث ان روقه تمثل كل ميداني = والراس مرفوع والرايات مرفوعه

يدوم الك البقا ياللي حياته فالنعم تسليه = يشوف الناس حبٍ منطحن في وسط محماسي
تصب الحاصله من حلوها لين الحلا تخليه = ويبقى عندنا من حلوها مقدار في كاسي

آخر تعديل عزيّز العبدلي يوم 13-Sep-2010 في 06:30 AM.

[رعد الروقي]

الله الله

يا كبر كبدك ويا صبرك على المره=لكن قص العرب فالدرب بالجره
قدام تفلس من الارباح بالمره =ياللي تجيبونها لازم تودونها

لو ان الذيب يدري ما مشى في درب من يرميه=لكنه يا جهل من حضرته فالقـــوم يا ناسي
واظن المشكــــــلة مافيه خلف الذيب من يرثيه=ولا خلفه مهلهل يقضتي من راس جساسي

[عزيّز العبدلي]

.

طول النخل مكتمل فالعذق والتمره = والصيف روح لهيبه واستوا قمره
والعبدلي محتسب ماضاع من عمره = والراس مرفوع والرايات مرفوعه

تحت جنح الظلام المظلم اللي ظلمته تحميه = تعيش وتجني ارباح الدمار وتعلن افلاسي
تفاكير الخيال اللي رعد في وسطها تخفيه = تخلي حجمه المغرور لا يرحم ولا ياسي

[رعد الروقي]

حــولت مبلغ وصل لحسابك الجاري=وان كان ما انته عنه يالاجودي داري
وشلون تقــدر تناحي ليلك الساري= ياللي تجيبونها لازم تودونها

ترى القرطاس ما كلف على اللي باصبعه يطويه=وضلع طويق فوق اليابسة من خلقته راسي
يقولون العرب من لا عرف شكل الصقر يشويه=وبكره خيرته من قرب ماده يطبخ الفاسي

[عزيّز العبدلي]

ياشحّكم للريال اللي مطمّعكم = محتار بعقولكم ولا مسامعكم
لو أن ماقلت لك ياصاحبي معكم = والراس مرفوع والرايات مرفوعه

طوال السمع ووساع العيون ورمشها المغليه = أعيد آشوفها مره واقول الخير في راسي
جناح الطير رف وطار والمخلاب حت ايديه = نزف دمه على همه وشاف الشر نبراسي

صح السانك يا رعد .. وورانا صلاه
وكل عام وانت بخير .. وشرفتني بالدعوه

تصبح على خير