ثالثا: بطون عتيبة (الروقة)

[^المقاطي^]

العفو ياسلطان وشكرلك يالعازمي

[شايم]

الله يعطيكم العافيه جميعا

[الضيط]

في التقسيم خصال العضيان خمسة
وهم
الفداعسة

السحله

الثعالية

المتايهه

الدماسين

[^المقاطي^]

الله يعافيك ياشايم
وشكرا يا الضيط

[بن روق]

يالمقاطي اساس ذوي ثبيت من نفي
وليست من الدهناء .


سدير والوشم يازينه...والدهناء ياحلو ماها
حلفت ماسكن سليطينه...لو زين عوير مبناها

المقوله ماخوذه من ابيات الشاعر/الحميدي بن برجس الهمهمي
الذي كان جال مع الحمران

[الدهماني]

مشكور اخوي المقاطي
على هذا الرد الجميل على سؤالى واتمنا ان تفينا بالمزيد من معلوماتك

القيمه في القريب العاجل
-----------------------------------

واختم كلامي بذكر الله تهليل وتكبير

وصلاة ربي على سيد البشر خير البرية

[فهد]

بسم الله الرحمن الرحيم
يا الضيط نسيت تحط الجعادين ؟؟؟


والي يقول ان نفي موسسها ابن رباعان غلطان ومن وين جاب ها الكلام ؟؟؟؟؟؟؟؟؟؟


اصل نفي للعضيان وموسسها تركي الضيط من زعماء الا خوان

لكن نزلها ابن ربعان بقوة عبد العزيز ابن سعود رحمهم الله اجمعين


وهاجر العضيان الى الجمانية على راس نايف ابن مارق الضيط و مبعج الخيل الي هو خربوش ابن مزيد الشايوش احد اشهر فرسان العضيان


رجاء من كل الكتاب تحري الدقه لن موقعنا هذا نعتبره مرجع مهم لقبيلتنا

اخوكم فهد الروقي

[بن روق]

يااخ فهد الروقي
ارجوا التمعن في القصيده وهذا الدليل على ذلك
والعضيان من عايلة نجد ويش اللي جابهم في نفي
ارجوا افتدنا اذا كان عندك دليل بابيات شعر

[الضيط]

الأخ فهد صدقت الجعادين من خصال العضيان وهم والله و100 نعم وهم من أشجع العضيان ولاينساهم إلا جاهل وأنا كنت أظن أني كاتبهم ولا ماتركتهم متعمد والقبيلة الي مافيه مثل الجعادين طافية نارها وأشكرك كل الشكر على أنك تداركت هذا الأمر وشكراً

[الضيط]

الأخ ابن روق هذي ماتحتاج لقصيدة الناس الي شدوا من نفي لها الحين عايشين وعان كبارنا وهم من الي شدوا عايشين يعني القصة قريبة ورواتها الي شافوها حيين والظاهر ماتجلس مع كبار السن كثيراً وإذا أردت أن تتأكد إن كان لك جد عايش أسئله وبيعلمك ولاتحتاج قصيدة حنا كبارنا الأن يعلمونا أبها