ياعمران من بين وبينك مافيه اسرار

[ابراهيم الزراقي]

السلام عليكم ورحمة الله وبركاته





اعضاء منتدانا الغاااالي





كيفكم كلكم وكل على وانتم بخير







هذي مراسلة شعريه بيني وبين الشاعر الكبير عمران بن عواض الزراقي اتمنى ان تنال على رضاكم





طبعاً انا البادي ورد علي عمران رد وافي واطيب من قصيدتي

ياعمران  ابن  عواض  مع  كثرة  الشعارعيون  العرب   يمي   ويمك   لها   فتره

مشينا  سوا  فالدرب  يالفارس  المغوارواخذنا  من  ألي   قبلنا   حكمة   وعبره

تعبنا   على   الجزلة   ولاشحت   الافكاروكلن كتب  شعره  وجابه  على  الفطره

لكن   تالي   الايام   أنا   ضايق   ومحتاروفي  خاطري   علمن   بقوله   ولاتشره

أنا اشوف برق الصيف يبرق بدون امطاروكبدي  على  شوف  الهماليل  منفطره

بغيت  الحيا  مير   الزمن   خاين   وغدارحداني على عد(ن) مافي جوفه  القطره

ياعمران من  بيني  وبينك  مافيه  اسرارولحدن   يبي   للثاني   الموت    والعثره

تسمع  كلامي   زين   واخبر   به   التجارترى  سوق  هذا  اليوم  ماينظمن   بكره

لأن   البضايع   كان   ماتمسك   الاسعاريجي   يوم   تشرا   بالريالين    والعشره

هذا رد عمران

هلا    مرحبا    حييت    ياعاسف    الامهارومثلك  يابن   صالح   ترى   مرتفع   قدره

أنا    وأنت    يابراهيم    ماهمنا    الاخطارندوس  الخطر   واللاش   ماينقبل   عذره

مشينا سوا فالدرب لوط¸â‚¬ول المشواروكلن   وله   منهاج   سيره    وله    فكره

ولا  أنته   بمجبور(ن)   تلد   العيون   يسارعلى   لفة(ن)   فيها   الحناظيف   منزبره

اخذ  سيده  وعان   الحيا   يجذب   الانظاريومن   اغلب   العربان   ماعنده    القدره

مادام  إن  نفسك   للحيا   دمها   قد   فارلاتجلس  يابن   زراق   في   فية   السدره

تغانم   زمانك   وادخل    السوق    لاتحتاروبيع   بخراجك   مأنت   محدود    للكسره

لأن   البضايع   عندك   من   الخيار   خيارفلا   تقبل    مخاشر    ولاتقبل    الخشره

لو   ان   الزمن   ياصاحبي   خاين    وبوارلكن    الاكيد    الزين    مايختلف    سعره

آخر تعديل ابراهيم الزراقي يوم 03-Sep-2010 في 12:33 AM.

[عيضه الثبيتي]

حجز أول


ياسلام عليكم ياذوي زراق


لشعركم نكهه رائعه



صحت ألسنتكم

التوقيع

البارحه   كان   اللقاء   مابينا   كله    حلواحلا من السكر وكلّك يابعد  عمري  حلا!! من يوم ماقلتي ياروحي يابعد عمري:(الو)وأنا  بخير  وعافيه  قدام  لا  اقلّك   :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[مرزوق حمدان العتيبي]

..

.

نصان ملئان بالجزاله
ولاغرابه
صح لسانكــ يابراهيم ولسان عمران
...

التوقيع

فدوة  ٍ   للمصطفى   روحي   وماتملك   يمينيكيف (لا) واللي خلقني حط¸â‚¬حبه في كياني حط¸â‚¬حبه  في   كياني   ماتغيّره   السنينيوانثني  من  دون  عرضه   بالذراع   وباللساني @Marzouq_MHD

[@ـايل]

وعليكم السلام ورحمة الله ..

وكل عام وانت طيب

صح لسانك يالزراقي وصح لسان عمران الزراقي

ابداااااع وسجّلوا اعجابي

..

التوقيع

تويتر : AlHooL@

[ابراهيم الزراقي]

المشاركة الأصلية كتبت بواسطة عيضه الثبيتي

حجز أول


ياسلام عليكم ياذوي زراق


لشعركم نكهه رائعه



صحت ألسنتكم

عيضه حجز اول وله مكانه كبيره

من شفتك اول الي ردوا تاكدت انها بتعجب الجميع

صح بدنك ياعيضه والله يبارك فيك ولايحرمنا من وجودك

تحياااااااااااتي لك

[ابراهيم الزراقي]

المشاركة الأصلية كتبت بواسطة مرزوق حمدان العتيبي

..

.

نصان ملئان بالجزاله
ولاغرابه
صح لسانكــ يابراهيم ولسان عمران
...

صح بدنك يامرزوق بن حمدان العتيبي

والله اني دايم افتخر بردودك

الله لايحرمني طلة حضورك يابن العم


تحياااااااااتي لك

[أبو مرحبا]

ابراهيم الزراقي

صح السانك والسان الشاعر عمران بن عواض

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[شاعر الثغر العذب]

~*¤ô§ô¤*~*¤ô§ô¤*~صح السانك

والسان خويك


سلام~*¤ô§ô¤*~*¤ô§ô¤*~

[ابراهيم الزراقي]

المشاركة الأصلية كتبت بواسطة @ـايل

وعليكم السلام ورحمة الله ..

وكل عام وانت طيب

صح لسانك يالزراقي وصح لسان عمران الزراقي

ابداااااع وسجّلوا اعجابي

..

@ــايل

كل عام وانت بصحة وبسلامة


وصح بدنك مرورك اسعدني للغاية


تحياااااااااتي الصادقة لك

[ابن حمد العتيبي]

صح لسنك عز الله انك شاعر بس الرد ماطلع عندي ليش