سعود العصيمي =
الليله الليله علـى ابراهيـم دوري يارحـاه=نبا ندق احبوبـه اللـي مالقـى دقاقهـا.!!
بيت الفقر يحتاج من يغنيه من بيـت الغنـاه=وانته لو ارزاق البشرعندك قطعت ارزاقها.!!
إبراهيم الجذع =
الليل أبو طايل نشوفه مير مـدري وش وراه=مير الجبل مهما رسا تحـت السمـا واطباقهـا
طب البحور الهايجـه والبحـر لا يغرقـك مـاه=وأنا أدري أن الحص والمحار وسط أعماقها
سعود العصيمي =
المؤمن اللي متكـل بالله ماخيّـب رجـاه=مهما تعرض له جموع كافـره يستاقهـا.
لاتوصي الغواص زال الله كاتب له نجـاه=لكن ليش الشجره الخضراء تحت اوراقها.
إبراهيم الجذع =
ترا القمر وسط السما والنجم يلمع في سماه=لكن بعـض النـاس مـا ودي تضيـق اخلاقهـا
تراي عارف ردها وادري عن البير وغطـاه=والشمس من يقدر يغطـي نورهـا واشراقهـا
سعود العصيمي =
السيف ابو حدين يكسر كل عظم ولا علاه=يالتاجر اللي تعرف اجلال السلع وادقاقها.
انا ادري انك ماعليك اخلاف يالشاعر هذاه=وليا سعيت لصالح اخوانك تزين اوفاقهـا.
إبراهيم الجذع =
السيف ابو حدين ما غريت وجهـه مـن قفـاه =والا السلع واسعارها حسب اختلاف اسواقها
اللـي يلـد العـيـن نقـزنـا سنـونـه مــن جـمـاه=عـبـر القـنـاه الـنـاس قايـمـةٍ تـبـث اشواقـهـا
سعود العصيمي =
عندي على الدعوى يابو نايف دليل ٍ من قضاه=واللي يواجـه للعـرب بوجيههـا ماباقهـا!!
توني بلير العام يوم انه غلط حصّـل جـزاه=وش يمنعك ياراعي الحجه تفـل أوراقهـا.!!
إبراهيم الجذع =
إن كان عندك حجةٍ عندي لها صك البراه=بنت الهوى ليلى وقيس من الوفا عشاقها
اللي يبا يكحل عيونه بصبعه سبـب عمـاه=هذا ترا عـوقٍ لنفسـه والعـرب مـا عاقهـا
سعود العصيمي =
اللي يعرف الجرح يابراهيم يحضر له دواه =بعض الصكوك مزوره ماتنفعك برفاقهـا.
اللي يصوم الشهر يابراهيم ويكب الصـلاه=لو يعمل الحسنات يبغى اثمارها ماذاقهـا.
إبراهيم الجذع =
بعض البشر محروم والا بعضهم ربي عطاه=واليا مشى فالدرب ساق اللي طوال اعناقهـا
من هو يسوي هالسواه إن كان ما ربي هداه=خسـران فـي دنيـاه حـق وفـي قـدوم افراقهـا
« آخـــر الـــمـــشـــاركــــات »
29-Aug-2010, 05:55 AM
العرض العادي
