مشاري الحبردي 02:27 AM 21-Jul-2010
السلام عليكم ورحمة الله وبركاته ....
من روائع بندر بن سرور - رحمه الله - هذه القصيدة التي تحمل حكم وامثال وقد انشدها الشاعر فلاح المورقي في شريط بندريات الثالث
اترككم مع القصيدة :-
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله من عين طرقها صواديف =عميت ويبسن العروق الصخافي
شفت الوزا لبالعين من عرض ماشيف= شفته وغيري من فطن له وشافي
وقت تغير فيه حتى العواصيف =جافي عواصيف الرياح اختلافي
شره قناطير وخيره مقاطيف =يفطن له اللي يرضع الديدغافي
كم واحد جاله زمانه على الكيف= واغترته نفسه يبا الجود وافي
يطلع مطاليع العيا بالسواليف = بين العذارا عد روحه اسنافي
يفرح بهرج بالقفا ويكره الضيف = قتات والقتات بالنار هافي
يعلق قصيره علقة النار بالليف =عي ولد عي زنوده اضعافي
ان رخصت الحذوه توقي عن الحيف = وان غليت الحذوه مشى اللاش حافي
يرقد ويلحق والدينه تخاليف = دايم ومرقد ميت النار دافي
هومادرى ان الجود يبغى تكاليف = سهر الليالي مقبلات مقافي
يبغى ايدين للعطايا مغاريف =ويبغى ارجول ماتمل الوقافي
والصبر بنحور السنين الشواحيف = اللي قساهن مثل حد الرهافي
مايقدرون الجود سود الاطاريف = امشاركة بيض النساء باللحافي
يقدر عليها اللي حكم نجد بالسيف = واودع مباغيض القبايل اولافي
عبدالعزيز اللي يبث المصاريف = يجدع قناطير الذهب بالفيافي
يمشي على دربه جموع مزاريف = نوٍ تنثر ماه والجو صافي
تشدي لواقيط الزبيدي بعدريف = مما كسا البيدا تفيد الضعافي [/poem]
والسلام عليكم ورحمة الله وبركاته
خالد بن مورق 05:11 PM 21-Jul-2010
الله يرحمه ويبيحه متنبى عتيبه
مشاري الحبردي 02:04 AM 22-Jul-2010
لاهنت يابن مورق
خيال سمحات 03:24 AM 22-Jul-2010
[align=center] فعلا متميز يامشاري مشكور علي الموضوع[/align]
مشاري الحبردي 11:43 PM 22-Jul-2010
لاهنت ياخيال سمحات
ناصرمرزوق الدلبحي 01:43 PM 23-Jul-2010
اللة لا يهينك علي النقل الجيد ويعطيك العافية
واللة يرحم راع البيوت الاباكير
مشاري الحبردي 04:56 PM 23-Jul-2010
لاهنت يالدلبحي