العازمي
الغرير اليا عطوه الناس دفعه معنويه = النجوم المرقبه ماتتعبه لو يحسبها!!
يازمان الصرف والا العطف لاتشفق عليه = مايشرّف نفس الانسان الحكيم الا تعبها!!
علي فلاح العضياني
لا تخاطبني قبل تاقف و تعطيني تحيّه=ثمّ دوّر للبيوت اللي لها معنى و جبها
من يقول الجوّ في كشب أحسن من أجوا الحويه=ما بقى الاّ يقول ظلم أحسن 100 مرّه من أبها
العازمي
نعرف جبال الجزيره قبل لانعرف طميه = لاظلال ولايشب النار للطرقي حطبها!!
من بنا بيت المراجل لايلد العين فيه = شرهة العضيان لحيه وانت يالثعلي شنبها!!
علي فلاح العضياني
يالله إنّك لا تحاسبني بغلطه مطبعيّه=من ملك راس المراجل ما يطالع في ذنبها
كنت عيد العازمي و اليوم يا عيد الضحيّه=سنة إيراهيم و محمد وفاتك من سببها
العازمي
بين شعار الطلوح وبين شاعر من عطيه = غيرهم من بهّر الدله على مهّله شربها!!
من يعدّك قيس عدّه مثل ليلى العامريه = والحلايا بين قيس وبين ليلى قلّ ادبها!!
علي فلاح العضياني
يحسب إنّه سيدي نايف وزير الداخليه=حلم بعض الناس في حلو المنام اللي نكبها !!!!!
كيف يعرف راعي ( الفصفص ) شراب الشاذليّه ؟ =المقاهي شفّ باله و المجالس مجتنبها
العازمي
لامتى وانته كما خرجٍ على حيد المطيه = عقب سبّلت المنيحه وانته اللي محتلبها!!
لاتحرّا من هل الميقاف يالثعلي رديه = الرديه ماتبيّض وجه رجّالٍ جلبها!!
علي فلاح العضياني
لو يعيب الرجل مركاظه ليا جات الغزيّه =يمدي الصفراء شليويح العطاوي ما ركبها
القويّه يالعتيبي ما لها غير االقويّه= بنت أبو زيد الهلالي ما يكلّفنا ذهبها
العازمي
العطاوي في محله راعي الصفراء الثنيه = مايشب النار مثلك ثم يحوّل في لهبها!!
كيف اصدّق وانت تشرق بالحروف الابجديه = طمعة العدوان فالعتبان والسبّه عربها!!
علي فلاح العضياني
الصدوق اللي علومه كلبوها واقعيّه= و الكذوب يصدّق الكذبه ليا منّه كذبها
لا تصدّق روح و الذمّه من الذمّه بريّه=الصدور اللي يطلّع غيبها زايد غضبها
,,
الله الله .. قــآف رآئع !!
,,
صحة ألسنتكم وقلوبكم ياشعارنا .. ولاتحرمونا من إبداعاتكم 
!! 
« آخـــر الـــمـــشـــاركــــات »
25-Jun-2010, 11:55 PM
العرض العادي
