يا بن عتقان نعرفك كنك حبة الخال

[المثالي]

	عبدالله بن عتقان تعال يا فواز يا بن العم اكرب حزام العز لاتهتم ثم عاد لا تاوي ولاترحم هاذي هي القصه ومافيها جماهير الحساء ودها شيله وموال على القاف الرباعي على القاف الختامي فواز العزيزي ابشر بعزك يا ولد عتقان يا شاعر الوقفه رفيع الشان ازهل سفر والا ولد زهران .............. الا يصاحبنا يا شبابه كيف الاحوال بعد بان الخطاء من كبيرين الاسامي سفر الدغيلبي اثرك يا بن عتقان ما يعتاز في ربع ساعه صرت نار وقاز لكن حتيش انته وفواز .............. معي سيف ٍ يزيد البطوله عند الابطال انا دايم حزامه وهو دايم حزامي ابراهيم الشيخي لو جات كل سليم كل مطير ما عندهم قدره على التعبير حنا هنا واللي يصير يصير .............. يا بن ماطر ليا ظقت منا هات معدال قبل تشره علينا وتلحقنا الملامي بن عتقان اخطيت في حق الضيوف اخطيت ظلم وجريمه وانت راعي البيت اثرك صلاة العصر ما صليت ............ ابيك تقدر الضيف وانت اعور ودجال ورا ما تقتدي بالعصيمي والزلامي فواز العزيزي كل ٍ على عرفه وتفكيره واللي يعبر ويش تعبيره لاصار شره يشبه لخيره ................. انا ماني بضايق ولا اسمع كل من قال لكن انته حرامي وتتبع لك حرامي سفر الدغيلبي انته مسوي شي من لا شي لكن مافيه مجامله ياخي تبغى الكرامه دوك والا دي ............... يا بن عتقان نعلافك كنك حبة الخال لاهيب الجلد الاصلي ولاهيب الوشامي الشيخي الله يا منا من الدجه واللي يروح يثور فالعجه يقوم يصفق حجه بحجه ................. عسى ما ظاع لك شي من حال ٍ ولا مال عجب واعجاب لا صار ينهبكم كلامي بن عتقان يستر على الارقام واللوحه هاذي خططكم شبه مفضوحه صعب يتطور حي منفوحه ...................... اثر ما كل شاعر على ما قيل رجال تكفيكم فعولي وشكري واحترامي العزيزي يا شاعر العرضات والقلطات ما يسلم المسلم من الزلات لكن قلبك حي والا ما ت .................. انا ما ضاع لي غير حرف ورقم جوال وهاذي كلها ما تنزل من مقامي سفر الدغيلبي تطورك ما ابغاه بالمره ومنفوحه احسن قرا الحره توك تنوشنا على الجره .............. ترا ما انت بمقاس الرجوله يا ابو هذال اذا بتقيس مثلي على الدنيا السلامي الشيخي مسموح الاستغفار للمسلم مير البلا من قلبك المظلم دهور حياتك وانت ما تعلم ................. عسى يفداك رقم الجهاز وبرج الارسال لكن الخوف من رمية ٍ من غير رامي بن عتقان لاصرت ما تقدر على النوماس لا تعزم الضيفان يا بن الناس خلك مع الاخطل يا ابو نواس ................. بعد كلمتك هاذي ما تسوا عندي ريال يا حمال الاسيه يا ملعون الرسامي العزيزي نفسيتك ماهيب مرتاحه ويغرك الصياح بصياحه اكن بنرجعك للباحه ................ امانه لاتجيب العلوم الوان واشكال ترا فرك الاذاني قبل كسر العظامي سفر الدغيلبي مرتاح والضيفان مرتاحين وش قصتك طرطعت يا مسكين لا عاد تبكي يا ابو خمس سنين ............... قلم مائي وكراسه ومرسم وصلصال ليا اوحيتك تذكرتها مدري علامي

[عبد العزيز العبدلي]

/

تشكر يالمثالي على المجهود ولا هنت

وأنا لي وجهة نظر في بيت ابن عتقان يوم يقول

اثر ما كل شاعر على ما قيل رجال
تكفيكم فعولي وشكري واحترامي

هذا غلط من ابن عتقان على سفر ولكن سفر رد عليه بنفس الطريقه وقال

ترا ما انت بمقاس الرجوله يا ابو هذال
اذا بتقيس مثلي على الدنيا السلامي

وانا انظر الى التناقض من ابن عتقان على بيته الاول يوم يقول منته برجال

بعد كلمتك هاذي ما تسوا عندي ريال
يا حمال الاسيه يا ملعون الرسامي

وعلى ما اعتقد ان سفر اوقع ابن عتقان في حفرته التي حفرها لنفسه وقال

قلم مائي وكراسه ومرسم وصلصال
ليا اوحيتك تذكرتها مدري علامي

وجهة نظر وارجوا ان تتقبلوها بصدر رحب تقبل مروري يالمثالي

تحياتي

[فهد علي العازمي]

لا هنت يالمثالي
وياليتك فسرتها لنا شوي مبهمة

[خصيم الاجناب]

محاوره تحمل اسماء لاتحمل شعر ابن عتقان حفر وطاح بحفرته وقام يلعن <<يا حمال الاسيه يا ملعون الرسامي

بالله هذا شاعر


صفقو له الوراعين ويحسبنه شاعر زمانه


اما العزيزي والشيخي ماسكين السيد الاوسط

ياليت سفر يترفع عن ابن عتقان والمنقره كان يعد مع اهل الجزيل

[ابوزايد511]

بسم الله الرحمن الرحيم

السلام عليكم ورحمة الله وبركاته

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

size=7]محاوره جيده والشعار كلهم مبدعين
لاسفر ولاالشيخي ولا العزيزي ولا ابن عتقان كلهم شعار كبار
والا ان ابن عتقان زودها شوي ولا كنها مشت[/size]]


تقبلوا خالص تحياتي
أخوكم الزايدي العتيبي

[الباااسل]

المشاركة الأصلية كتبت بواسطة خصيم الاجناب

محاوره تحمل اسماء لاتحمل شعر ابن عتقان حفر وطاح بحفرته وقام يلعن <<يا حمال الاسيه يا ملعون الرسامي

بالله هذا شاعر


صفقو له الوراعين ويحسبنه شاعر زمانه


اما العزيزي والشيخي ماسكين السيد الاوسط

ياليت سفر يترفع عن ابن عتقان والمنقره كان يعد مع اهل الجزيل

اوافقك الراي ياخصيم الاجناب

[المثالي]

ما طرحنا الموضوع لتقييم الشعراء بلاش من الخروج عن النص

[رائد الكيرعاني القحطاني]

لاهنت يالمثالي



رباعيه جهنّميّه من شعراء شباب في منزلة الفحول




تحياتي

[رائد الكيرعاني القحطاني]

؟؟؟؟؟؟؟؟؟؟؟؟؟؟؟؟



ابن عتقان ليس بشاعر




قد يجوز !!

[خصيم الاجناب]

المشاركة الأصلية كتبت بواسطة رائد الكيرعاني القحطاني

؟؟؟؟؟؟؟؟؟؟؟؟؟؟؟؟



ابن عتقان ليس بشاعر




قد يجوز !!

ومالغريب فالامر ابن عتقان شاعر دوادي واشباهه كثير فالملاعب


لكن اللي يقول ان ابن عتقان شاعر يعطينا طاروق له خالي من الحش ومن النزول


الشاعر من يطرق المعاني الغامضه ولايعاين في جنوبه


سي يو نمبر تيلي