مساجله بين سطام بن مغيرق العصيمي ومحمد بن هادي القحطاني

[محمد العتيبي]

بسم الله الرحمن الرحيم



هذه مساجله بين الشاعرين / سطام بن زيد بن مغيرق ..رحمه الله

والشاعر محمد بن هادي القحطاني ..

والمبدأ للشاعر / سطام بن مغيرق ..

هات القلم بختار من زين الامثال =أمثال ابرسلها بأسمه واسميه
من ينكر المعروف ماهوب رجال = وما يفعل المعروف ياكود راعيه
راعيه أبو هادي ولو قال من قال = يشهد له الحاظر بفعل ماضيه
زيزوم وافي للصعيبات حلاّل = يوم ٍ ولد اللاش ما فاد ناخيه
عليك بذل الجاه ياماض الأفعال = والحر هده ما يبا من يوصيه
برقٍ سرى من القبله يشعل اشعال = البرق يبرق والرعد نسمعه فيه
يالله عساه إيسيّل أشعاب وأسهال = حتى النفود اللي ورى الجله يسقيه
وعسوس سيله جابوا الزمل رحال = قبل طلوع الشمس والدرب معطيه
ونهار ثالث عندك البدو نزال = نزال راع الذود يتبع مشاهيه
أيّا الربيع الزين وأيا الأمحال = وراع الحلال يعرف صالح مواشيه
وين العلوم اللي من العام تنقال = أحدٍ يجيب الصدق واحدٍ يخليه
طرشت لك مرسال ورديت مرسال = وراع الذهيب يدور اللي يناديه
اذهيبنا عندك به قياد واعقال = امجودينه يابن هادي بياديه
ان كان جبته حق وللحق تحتال = لمن بوقت الضيق يظهر عزاويه

رد الشاعر / محمد بن هادي القحطاني .. بهذه القصيده

ياراكب اللي فيه طبعه وتمثال = جمسٍ جديدٍ للعصيمي بسرّيه
يمشي طلوع الشمس والفي مامال = والعصر عند اللي بعاد مراميه
ينصاك يابو زيد ياطيب الفال = خطك لفاني .. والولد ويش أسميه ؟!
والله لولا الخوف من بعض الأنذال = هذا يجيب العلم وهذا يوديه
لقول تم وسم والحال بالحال = مالي فخر ياهل الوفا والمشاريه
ولاصرت بين النار والغار والجال = ذاك الهدف ياصاحبي .. كيف ابرميه ؟!
الطير معه طيور دايم على البال = وطويق لو تنصاه طيرك بيعفيه
ياما غدا للحاج دينار وريال = وايشيب ماظني تغرك معانيه

التوقيع

للتواصل عبر twitter تويتر al_bargawy@

[أبو مرحبا]

رحم الله الشاعر / سطام بن مغيرق ..

وصح لسان الشاعر / محمد بن هادي القحطاني

قصائد رائعه جدا بمعانيها

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد العتيبي]

شكرا على مرورك يالغالي ..

[أبونواف]

رحم الله الشاعر / سطام بن مغيرق ..

وصح لسان الشاعر / محمد بن هادي القحطاني

قصائد رائعه جدا بمعانيها

[محمدالنفيلي الحربي]

شكراً لك على النقل الرائع

[محمد العتيبي]

ابو نواف

شكرا لكــ على مرورك وتواصلك الرائع ..

تحيتي لكــ
..

[محمد العتيبي]

النفيلي

الشكر لك أنت على مرورك الرائع ..


تحيتي لكــ

[عتيبي عز]

تأكد من صحه القصيد ايام بن هادي مايعرفون الجمس ولا جاء

[أبوبدر]

شكرا لك على النقل الرائع

[الاصمعي]

الله يرحم ابو مغيرق وصح لسان الشاعر القحطاني محمد بن هادي


ومشكور على النقل


عتيبي عز

الشاعر محمد بن هادي القحطاني ليس ابن قرمله امير قحطان كما تعتقد